Ira Khan Wedding - Aamir Khan Video: आमिर खानची लेक आयरा खानचं काल उदयपूरमध्ये लग्न झालं. उदयपूरमध्ये आमिर खानच्या लेकीने बॉयफ्रेंड नुपुर शिखरेसोबत लग्न केलं.

नुपुर - आयराच्या लग्नाचे अनेक व्हिडीओ - फोटो सोशल मीडियावर व्हायरल झाले आहेत. अशातच लेकीच्या लग्नातला आमिरचा एक व्हिडीओ व्हायरल झालाय. त्यावेळी आमिरचे अश्रू अनावर झालेले दिसले.

अन् आमिरचे अश्रू अनावर झाले

व्हायरल व्हिडिओमध्ये इरा आणि नुपूरचं लग्न संपन्न होताना दिसत आहे. अभिनेत्री झेन या लग्नाचं सुत्रसंचालन करत आहे.

इरा आणि नुपूर यांचं लग्न लागताच या दोघांनी एकमेकांना किस केलं. पुढे इरा - नुपुरने एकमेकांना अंगठी घातली. आणि उपस्थितांनी टाळ्या वाजवल्या. त्यावेळी आमिर भावूक झालेला दिसला. त्याला अश्रू अनावर झालेले दिसले. त्याने चष्मा बाजूला काढून डोळ्यातलं पाणी पुसलं.

आमिरने गाणं गाऊन केली लेकीची पाठवणी

आयरा - नुपुरचा लग्नातला एक व्हिडीओ समोर आलाय. यात स्टेजवर आमिर खानने पुर्वपत्नी किरण रावसोबत जुनी बॉलिवूड गाणी गाऊन सर्वांचं मन जिंकलं.

प्यार दिवाना होता है, पल पल दिल के पास अशी गाणी गाऊन आमिर भावूक झालेला दिसला. आमिरच्या या गाण्यात किरणने त्याला साथ दिली.

आयरा - नुपुरचं लग्न

आमिर खानची लेक आयरा खानने तिचा दीर्घकाळ बॉयफ्रेंड आणि फिटनेस ट्रेनर नुपूर शिखरेसोबत लग्न केले आहे. या लग्नात आमिर खानसोबत त्याची पुर्व पत्नी रीना दत्ता आणि किरण रावही दिसले. सर्वांनी नवविवाहीत दाम्पत्याला आशिर्वाद दिला.

उदयपूरमध्ये दोघांचा विवाहसोहळा पार पडला. लग्नात आयरा पांढऱ्या रंगाच्या गाऊनमध्ये खूपच सुंदर दिसत होती. याशिवाय पांढऱ्या रंगाचं शर्ट आणि त्याला मॅचिंग ब्लेझर परिधान करत नुपुरही सर्वांचं लक्ष वेधून घेत होता