मुंबई-अभिनेता आमीर खानच्या घरात कोरोनाचा शिरकाव झाला होता. याची माहिती स्वतः आमीरने त्याच्या सोशल साईट्सवरुन दिली होती. आमीरच्या घरातील एकुण ७ जणांना कोरोनाची लागण झाली होती. यानंतर आमीरच्या घरातल्यांची कोरोना टेस्ट करण्यात आली. जवळपास सगळ्यांची कोरोना टेस्ट निगेटीव्ह आल्याचं आमीरने सांगितल होतं. केवळ त्याच्या आईचाच रिपोर्ट येणं बाकी होतं. इतकंच नाही तर माझ्या आईच्या टेस्टसाठी प्रार्थना करण्याचीही त्याने विनंती केली होती. अखेर आज आमीरच्या आईचा कोविड-१९ टेस्टचा रिपोर्ट समोर आला आहे.

हे ही वाचा: मुलगी इराच्या लाईव्ह वर्कआऊटदरम्यान मध्येच धडकला आमीर आणि मग..

अभिनेता आमीर खानने त्याच्या सोशल साईटवरुन आईचा रिपोर्ट आल्याची माहिती दिली आहे. आमिरने म्हटलंय, सगळ्यांना नमस्कार, माझ्या आईची कोरोना टेस्ट निगेटीव्ह आली आहे. तुमच्या सगळ्यांच्या प्रार्थनेसाठी आणि प्रेमासाठी धन्यवाद.

आमीर खानने मंगळवारी एक पत्रक सोशल मिडियावर शेअर करत त्याच्या घरात काही कर्मचा-यांना कोरोनाची लागण झाल्याची माहिती दिली होती.

आमीरने लिहिल होतं की, 'माझ्या घरातील काही कर्मचा-यांची कोरोना टेस्ट पॉझिटीव्ह आली आहे. याची माहिती मिळताच बीएमसीने त्यांना लगेचच क्वारंटाईन केलं आहे. तसंच त्यांची योग्य ती काळजी घेत लवकरात लवकरत त्यांना चांगली सुविधा दिल्याने मी त्यांचा आभारी आहे. त्यांनी लगेचच सुरक्षेच्या दृष्टीने पाऊल उचवत इमारतीचं देखील निर्जंतुकीकरण केलंय. आम्ही घरातील सर्व सदस्यांनी कोरोना टेस्ट केली आहे.आणि आमच्या सगळ्यांची टेस्ट निगेटीव्ह आली आहे. आता केवळ माझ्या आईची टेस्ट बाकी आहे. ती करायला आता मी जात आहे. ती एकटीच टेस्ट करायची बाकी आहे. माझ्या आईची टेस्ट देखील निगेटीव्ह येईल यासाठी प्रार्थना करा.' 

आमीरच्या आईची कोविड-१९ टेस्ट निगेटीव्ह आल्याने त्याचा जीव खरोखरंच भांड्यात पडला आहे. कोरोना व्हायरस वयस्कर आणि वृद्ध लोकांना तसंच लहान मुलांना त्यांच्या कमी असलेल्या रोगप्रतिकारक शक्तीमुळे लवकर होण्याची शक्यता असते. त्यामुळे घरातील वृद्ध व्यक्तींची जास्त काळजी घेण्याची गरज आहे.   

aamir khan mother test negative for coronavirus