'बिग बॉस 16' द्वारे सर्वांची मनं जिंकणारा छोटा सिंगर अब्दू रोजिक नेहमीच चर्चेत असतो. त्याच्या गाण्यामुळे तर कधी त्याच्या व्हिडिओमुळे तो सर्वांच लक्ष वेधुन घेतो. मात्र सगळ्यांना हसवणारा अब्दू आता मोठ्या अडचणीत सापडला आहे.

त्याचा एक व्हिडिओ व्हायरल झाला आहे. ज्यामध्ये तो लोडेड बंदूकीने खेळतांना दिसत होता. त्याचा हा व्हिडिओ व्हायरल झाल्यानंतर लोकांनी त्याच्यावर प्रश्न उपस्थित केले. मुंबई पोलिसांकडे तक्रारही केली.

नुकतचं अब्दु रोजिकनं मुंबईतील अंधेरी येथे 'बुर्गीर' हे त्याच पहिलं रेस्टॉरंट सुरू केलं आहे. जिथे फराह खान, सोनू सूद, अर्चना गौतम आणि साजिद खान यांसारख्या अनेक स्टार्सचीही या कार्यक्रमाला हजेरी लावली. यावेळी गोल्डन बॉईज सनी वाघचोरे आणि सनी गुर्जर हे देखील अब्दु रोजिकच्या रेस्टॉरंटमध्ये आले होते. गोल्डन बॉईजच्या बॉडीगार्डची बंदूक अब्दू रोजिकने हातात पकडली होती.

अंगरक्षकांकडे बंदूक बाळगण्याचा परवाना असतो मात्र तरीही अब्दूकडे ती बंदूक देणं आणि त्याच त्या बंदूकीसोबत खेळणं हे नेटकऱ्यांना काही पटलेलं नाही. यामुळे काहीही दुर्घटना घडू शकली असती, असं लोकांचे म्हणणे आहे.

तर दुसरीकडे अब्दूच्या टीममधील एकानं सांगितलं आहे की त्याने काही सेकंदांसाठीच ती बंदूक उचलली आणि ती नंतर लगेच खाली ठेवली, परंतु एकाने अब्दूची प्रतिमा खराब करण्याचा हेतूने संपूर्ण व्हिडिओमधून फक्त तो भाग हायलाइट केला आणि व्हिडिओ व्हायरल केला.

खोटे आरोप केल्याबद्दल अब्दू आता त्या व्यक्तीला कायदेशीर कारवाई करण्याचा विचार करत असल्याचंही त्याने सांगतिलं आहे. दरम्यान या संदर्भात पोलिस काही कार्यवाही करणार का याकडे लक्ष लागलं आहे.