मुंबई : कोरोना विषाणूच्या वाढता संसर्ग पाहता त्याचा सामना करण्यासाठी नामवंत चेहरे समोर येत आहेत. एकूणच सरकारला मदत करण्यासाठी प्रत्येक जण आपापल्या परीने मदतीचा हात पुढे करत आहेत. भारताची स्थिती गंभीर होत चालली आहे. या विषाणूला संपविण्यासाठी अनेक कलाकार पुढे आले आहेत. यामध्ये कोणी आर्थिक मदत करत आहे तर कोणी अन्न-धान्य आणि खाद्य पदार्थांची मदत करत आहेत. याशिवाय काहींनी पंतप्रधान सहाय्यता निधीला मदत केली आहे. कलाकारांप्रमाणे आता सेलिब्रिटी किड्स देखील मदतीसाठी पुढे येत आहेत. प्रसिद्ध बॉलिवूड नृत्यदिग्दर्शिका आणि दिग्दर्शक फराह खानची मुलगी अन्या देखील मदतीसाठी पुढे आली आहे.

हे ही वाचा - अभिनेता इरफान खान प्रकृती खालावल्याने मुंबईतील कोकिलाबेन रुग्णालयात दाखल

काही दिवसांपूर्वीच फराहने तिची मुलगी चित्र काढून ते विकणार असून त्यातून मिळालेले पैसे ती कोविड-19 च्या चॅरीटीसाठी देणार असल्याचे सांगितले होते. अन्याच्या या चॅरिटी ड्राईव्हमध्ये आता अभिनेता अभिषेक बच्चन देखील सामील झाला आहे. अभिषेकने अन्याला एका चित्राचे एक लाख रुपये दिले आहेत.

फराहने काही दिवसांपूर्वी तिची १२ वर्षांची मुलगी चित्र काढून ते विकून कोरोनाच्या चॅरिटी ड्राईव्हसाठी वापरणार असल्याचे सांगितले होते. त्यासाठी आता अभिषेक बच्चननेही अन्याला मदत केली आहे. त्याने तिला एका चित्राचे एक लाख रुपये दिले आहेत. अभिषेकने अन्याला मदत केल्याने फराह खूपच खुश आहे. तिने अभिषेकने केलेल्या या मदतीसाठी त्याचे आभार देखील मानले आहेत. खरं तर अभिषेकने एका चित्रासाठी एक लाख रुपये दिल्याचे ऐकून सारे जण आश्चर्यचकित झाले आहेत. पण हे पैसे त्याने डोनेशन म्हणून दिले आहेत. फराहने त्याचे आभार मानत इंस्टाग्रामवर तिचा आणि अभिषेकचा एक फोटो शेअर केला आहे. या पोस्टमध्ये फराहने लिहिले आहे की, 'एका चित्रासाठी एक लाख रूपये कोण देत? फक्त बच्चन...याने अन्याच्या चॅरीटीमधील ड्राईव्हचे पैसे दुप्पट झाले आहे. थँक्यू. मोठ्या मनाचा मुलगा.' याशिवाय तिने तिची मुलगी आणि तिच्या चित्राचा फोटो देखील शेअर केला आहे.
याआधी अन्याने पाळीव प्राण्यांचे चित्र काढून जवळजवळ एक लाख रुपये जमा केले होते. तिने या पैशांचा उपयोग भटक्या कुत्र्यांच्या मदतीसाठी केला होता.

abhishek bachchan helps farah khans daughter to raise funds