Abhishek Bachchan Karishma Kapoor: प्रसिद्ध अभिनेता अभिषेक बच्चन आणि अभिनेत्री करिश्मा कपूर यांचे लग्न होणार हे जवळपास निश्चित झाले होते असे सांगितले जाते. मात्र ते लग्न होणं काही शक्य नव्हतं. असा धक्कादायक खुलासा प्रख्यात निर्माते आणि दिग्दर्शक सुनील दर्शन यांनी केला आहे. त्यामुळे एक नवी माहिती आता चित्रपट चाहत्यांसमोर आली आहे.

करिश्मा आणि अभिषेक यांची जोडी २००० च्या दरम्यान लाईमलाईटमध्ये आली होती. या दोन्ही सेलिब्रेटींचे प्रेमप्रकरण हे चर्चेत आले होते. ही जवळीक एवढी वाढली की, त्यामुळे त्यांच्या लग्नाची जोरदार चर्चाही रंगली होती. लग्नाच्या चर्चेला आलेलं उधाण ही दोन्ही सेलिब्रेटींच्या चाहत्यांसाठी वेगळीच बातमी होती. मात्र तसं काही होणार नव्हतं असं दर्शन यांनी म्हटलं आहे. हा मैंने भी प्यार किया है....या चित्रपटामध्ये अभिषेक आणि करिश्मा काम केले होते.

दर्शन यांनी बॉलीवूड हंगामाला दिलेल्या एका मुलाखतीमध्ये म्हटले आहे की, मलाही या दोन्ही सेलिब्रेटींच्या प्रेमप्रकरणानं धक्का दिला होता. त्यांच्या लग्नाच्या चर्चेनं तर आणखी विचार करण्यास भाग पाडलं होतं. २००२ मध्ये आलेल्या हा मैंने भी प्यार किया है या चित्रपटाचे दिग्दर्शन धर्मेश दर्शन यांनी केले होते. त्याची निर्मिती सुनील दर्शन यांनी केली होती. त्यावेळच्या आठवणींना दर्शन यांनी उजाळा दिला आहे. ते म्हणाले, तो चित्रपट आमच्यासाठी खास होता. आव्हानात्मकही होता.

बॉक्स ऑफिसवर हा चित्रपट काही खास कमाई करु शकला नाही. दर्शन म्हणाले, अभिषेक आणि करिश्मा लग्न करणार ही काही अफवा नव्हती. ती खरीच गोष्ट होती. मात्र ते लग्न काही होऊ शकलं नाही. कुठल्याशा कारणास्तव त्यांच्यातील वाद हा वाढत गेला. आणि त्याचा परिणाम लग्न करण्याच्या निर्णयावर झाला. साखरपुड्याच्या कार्यक्रमाला मी हजर होतो. तो वाद आणि अभिषेक आणि करिश्मा यांनी पुन्हा कधीही एकत्र काम केले नाही. अशी आठवण दर्शन यांनी यावेळी सांगितली.