मुंबई -  दिवंगत अभिनेता सुशांत सिंग राजपुत याची मैत्रीण अशी ओळख असणा-या रियाला चेहरे नावाच्या चित्रपटातून पायउतार व्हावे लागल्याची चर्चा सुरु झाली आहे. या चर्चेला मिळालेले खतपाणी म्हणजे सध्या चित्रपटाचा नवा टीझर आला आहे. तसेच जो पोस्टर आहे त्यात तिच्या नावाचा उल्लेख नसल्याचे दिसून आले आहे. या चित्रपटात अमिताभ बच्चन, इमरान हाश्मी या कलाकारांचा समावेश आहे. त्यामुळे वेगवेगळ्या प्रकारच्या चर्चेला उधाण आले आहे.

सध्या जे नवीन पोस्टर व्हायरल झाले आहे त्यात महानायक अमिताभ बच्चन, इमरान हाश्मी यांचे फोटो आहेत. तो पोस्टर आज प्रदर्शित झाला आहे. त्यातुन पुन्हा एकदा रियाला वगळण्यात आल्याची चर्चा सुरु झाली आहे. अभिनेता इमरान हाश्मीनं व्टिटरवर एक फोटो शेअर केला आहे. तसेच त्याच्या टीझरची तारीखही सांगितली आहे. त्याशिवाय त्यानं त्या चित्रपटाच्या कास्ट आणि क्रु ला ती पोस्ट टॅग केली आहे. मात्र त्यात रियाचे नाव नाही. त्यामुळे आणखी वेगवेगळ्या प्रश्नांना तोंड फुटले आहे. वास्तविक चेहरे नावाचा सिनेमा हा जुलै 2020 मध्ये प्रदर्शित होणार होता. मात्र कोरोनामुळे त्याचे प्रदर्शन लांबले.

आता हा चित्रपट 30 एप्रिलला प्रदर्शित होणार आहे. तर त्याचा टीझर हा मार्च 11 ला प्रदर्शित होणार आहे.  इमरानं आज या चित्रपटाचा पोस्टर शेअर केल्यानंतर सगळ्याचे लक्ष रिहाकडे गेले आहे. इमराननं तो पोस्टर सहकारी अभिनेते अमिताभ बच्चन, चित्रपट निर्माता आनंद पांडे, दिग्दर्शक रुमी जाफ्री, क्रिस्टल डीसुझा, सिध्दार्थ कपूर, अन्नु कपूर, रघुबीर यादव, ध्रितीमन चॅटर्जी यांना टॅग करण्यात आले आहे. यावेळी इमराननं रियाचे नाव या यादीतुन वगळले आहे.

इमराननं लिहिलं आहे की, चांद चेहरे, हजारो राज, हर चेहरा कुछ कहता है, और बहुत कुछ छुपाता है. चेहरे हा चित्रपट येत्या 30 एप्रिल 2021 मध्ये आपल्या भेटीला येणार आहे. तर त्याचा टीझर 11 मार्चला सोशल मीडियावर प्रदर्शित होणार आहे. केवळ इमरानं नाहीतर अमिताभ यांनीही आपल्या सोशल मीडियाच्या अकाऊंटवर चेहरेविषयी लिहिलं आहे.