मुंबई - हटक्या अभिनयामुळे चर्चेत आलेला अभिनेता म्हणून अभय देओलचं (Abhay Deol) नाव घ्यावं लागले. त्यानं सोशल मीडिय़ावरही आपला मोठा चाहतावर्ग तयार केला आहे. गेल्या काही दिवसांपासून तो त्याच्या नव्या रिलेशनशिपमुळे चर्चेत आल्याचे दिसुन आले आहे. अभय हा त्याच्या वेगळ्या भूमिकेसाठी ओळखला जातो. त्यानं आजवर वेगवेगळ्या प्रकारच्या भूमिका केल्या आहेत. त्याचा चाहतावर्गही वेगळा आहे. समीक्षक, चित्रपटप्रेमी रसिक, अभ्यासक यांच्या पसंतीचा अभिनेता म्हणूनही अभयची वेगळी राहिली आहे. त्याचे सध्या काही फोटो सोशल मीडियावर व्हायरल झाले आहेत. फॅन्सनं त्याला त्याबद्दल विचारणाही केली आहे.

त्याचं एक महत्वाचं कारण म्हणजे अभयनं त्याच्या इंस्टावरुन हे फोटो शेयर केले आहेत. त्यामुळे त्याला फॅन्सनं काही प्रश्न विचारले आहेत. शिलो शिवसोबत (Shilo Shiv) त्यानं काही फोटो शेयर केले आहेत. तुम्ही दोघे रिलेशनशिपमध्ये तर नाही ना? एका युझर्सनं त्याला लिहिलं आहे की, अॅलेक्सा आता माझ्यासाठी जग सुना सुना लागे हे गाणं प्ले कर, दुसऱ्यानं लिहिलं आहे की, आपण आता संध्याकाळी घरी आल्यावर बोलु. अशा वेगवेगळ्या प्रकारच्या प्रतिक्रियेनं चाहत्यांचं लक्ष वेधून घेतलं आहे. अभयनं आतापर्यत वेगवेगळ्या प्रकारच्या हिंदी चित्रपटांमधून काम केलं आहे. त्यानं काही वेबसीरिजमध्ये देखील काम केलं आहे. सध्या अभयच्या इंस्टावर जर नजर टाकली तर त्याचा फोटोबॉक्स हा वेगवेगळ्या प्रकारच्या फोटोंनी भरलेला दिसेल.

अभय आणि शिलो शिवचे काही इंटीमेट फोटो व्हायरल झाले आहेत. ते त्या दोघांच्याही चाहत्यांना कमालीचे आवडले आहेत. त्या फोटोंमध्ये ते दोन कलाकार एकमेकांच्या अगदी क्लोज आहेत. त्यांच्या त्या रोमँटिक फोटोमुळे ते चर्चेत आले आहे. या फोटोमुळे चाहत्यांना प्रश्न पडला आहे की, हे दोघेही एकमेकांच्या रिलेशनशिपमध्ये आहे की काय, यापूर्वी अभय देओल आणि आर्टिस्ट सायरिना मामिक रिलेशनशिपमध्ये असल्याचे फोटोही व्हायरल झाले होते.