कोरोनाच्या कठीण काळात सर्वसामान्यांपासून सेलिब्रिटींपर्यंत अनेकजण गरजूंची विविधप्रकारे मदत करत आहेत. काहीजण आर्थिकरित्या तर काहीजण वैद्यकिय सुविधा पुरवून मदतीचा हात पुढे करत आहेत. अशातच प्रसिद्ध कन्नड अभिनेता अर्जुन गौडा अॅम्ब्युलन्स ड्राइव्हर बनून लोकांची मदत करत आहे. 'प्रोजेक्ट स्माइल ट्रस्ट'अंतर्गत अर्जुन ही मदत करत आहे. रुग्णालयात जाण्यासाठी किंवा अंत्यसंस्कारासाठी ज्यांना गरज आहे, अशा लोकांची तो अॅम्ब्युलन्स ड्राइव्हर बनून मदत करत आहेत.
"गेल्या काही दिवसांपासून मी अॅम्ब्युलन्स चालवत आहे आणि आतापर्यंत सहा लोकांची अंत्यसंस्कारात मदत केली आहे. ते कुठूनही येवोत किंवा कोणत्याही धर्माचे असोत, गरजूंना वेळेवर मदत मिळाली पाहिजे हा माझा उद्देश आहे", असं तो म्हणाला. हे मदतकार्य पुढील एक- दोन महिने सुरू ठेवणार असल्याचं त्याने यावेळी सांगितलं.
महाराष्ट्रात गेल्या काही दिवसांपासून कठोर निर्बंध लागू असल्याने कोरोनाबाधितांचा आकडा काहीसा नियंत्रणात आला असला तरी आजही ६५ हजारच्या पुढे आहे. त्यामुळे सध्याचे निर्बंध आणखी पंधरा दिवस वाढविण्यात आले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.