सोशल मीडिया(Social Media) हे माध्यम आता छंद न होता व्यसन बनत चाललं आहे हे काही चुकीचं नाही. अनेक जण दररोज सोशल मीडियावर वेगवेगळे फोटोज,व्हिडीओज पोस्ट करीत असतात. बरं विशेष म्हणजे यासाठी ते थीम वगैरे आखून मोठ्या मेहनतीनं आपली कलाकृती लोकांपर्यंत पोहोचवण्याची धडपड करीत असतात. आता प्रत्येक जणाच्या बाबतीत आपण बोलू शकत नाही की ते त्यांच्या व्यावसायिक कामासाठी,प्रमोशनसाठी ते सारं करतात. काही जणं अगदी हौसेपोटी,लोकांचं मनोरंजन आपल्याकडून व्हावं यासाठी देखील अतरंगी गोष्टी करताना दिसतात. यात फक्त सर्वसामान्यच हे करत असतील तर नाही. त्यात आपले बॉलीवूड स्टार्सही अग्रकमी आहेत बरं का. असाच एक फनी व्हिडीओ एका बॉलीवूड(Bollywood) अभिनेत्रीनं सोशल मीडियावर 'व्हॅलेंटाईन डे'(Valentine Day) च्या निमित्तानं पोस्ट केला,जो सध्या तुफान व्हायरल होत आहे. काय केलं आहे तिनं?

मुंबईतला कचरा गोळा करणारी ही ब़ॉलीवूड अभिनेत्री आहे अदा शर्मा(Ada Sharma). जी सध्या बॉलीवूडमध्ये सक्रिय नसली तरी तिच्या नावावर २००८ साली आलेला '१९२०','हंसी तो फसी','कमांडो' सारखे हीट सिनेमे जमा आहेत. मात्र अदा नेहमीच सोशल मीडियावर फनी व्हिडीओ शेअर करीत असते. असाच एक व्हिडीओ काल तिनं पोस्ट केलाय जो सध्या चर्चेत आहे. तिनं 'व्हॅलेंटाईन डे' च्या दिवशी आपल्या बॉयफ्रेंडला कचरा संबोधत हा व्हिडीओ पोस्ट केलाय. यात ती मुंबईच्या रस्त्यावर कचऱ्याच्या मोठमोठ्या बॅग्ज हातात घेऊन डस्टबिनमध्ये टाकताना दिसत आहे. तसंच तिनं डस्टबिनसोबतच नाही तर या कचऱ्याच्या बॅग्जसोबत रॅम्प वॉक करण्याचा आनंदही लुटला आहे. तिच्या व्हिडीओच्या बॅकग्राऊंडला समर्पक असं गाणंही वाजत आहे. तुम्हाला पटत नाहीय तर खात्रीसाठी अभिनेत्रीनं स्वतः तिच्या इन्स्टाग्राम अकाऊंटवर शेअर केलेला व्हि़डीओ आम्ही बातमीत जोडलेला आहे. एकदा पाहूनच घ्या!