Bhakshak Trailer News:काही दिवसांपुर्वी भूमी पेडणेकरच्या 'भक्षक' सिनेमाचा टीझर रिलीज झाला. या टीझरमधून एका सत्य घटनेवर आधारीत एक ज्वलंत सिनेमा बघायला मिळणार अशी चर्चा आहे.

जबरदस्त टीझरनंतर भूमी पेडणेकरच्या 'भक्षक'चा ट्रेलर नुकताच रिलीज झालाय. शाहरुख खानच्या प्रॉडक्शन हाऊसच्या 'भक्षक' सिनेमात भूमी पेडणेकर निडर पत्रकाराची भूमिका साकारत आहे.

अभिनेत्री भूमी पेडणेकरचा नवा चित्रपट 'भक्षक' थेट OTT वर प्रदर्शित होणार आहे. 'भक्षक' हा सिनेमा 2018 साली समोर आलेल्या बिहारच्या मुझफ्फरपूर शेल्टर होम बलात्कार प्रकरणावर आधारित आहे.

'भक्षक' सिनेमात दाखवलेल्या घटना ही केवळ बिहारच्या मुझफ्फरपूर शेल्टर होम बलात्कार प्रकरणाची घटना नाही तर देशात अशा घटना घडतच असतात, असं चित्रपटाचे दिग्दर्शक पुलकित यांचे मत आहे.

'भक्षक' चित्रपटात परखड पत्रकाराची भूमिका साकारणारी अभिनेत्री भूमी पेडणेकर म्हणते, "अशा घटना दर दुसऱ्या महिन्याला वर्तमानपत्रात वाचायला मिळतात. कोणाच्या तरी आयुष्यातील ही घटना आपल्यासाठी फक्त एक बातमी बनून जाते. या घटना अशा मुलींसोबत घडत आहेत, ज्यांच्या मागे कोणी नाही. अशा कथा माझ्या आयुष्याचा भाग आहेत. मी 'सोनचिरिया' चित्रपटाचे शूटिंग करत असताना चंबळमधील आश्रम दत्तक घेतला. त्या चित्रपटात खुशीची भूमिका साकारणारी मुलगी त्या आश्रमातील आहे."

शाहरुख खानच्या प्रोडक्शन रेड चिलीज अंतर्गत गौरी खान आणि गौरव वर्मा यांनी 'भक्षक' चित्रपटाची निर्मिती केली आहे. या चित्रपटात भूमी पेडणेकर आणि संजय मिश्राशिवाय आदित्य श्रीवास्तव आणि सई ताम्हणकर मुख्य भूमिकेत आहेत.

चित्रपटाचे दिग्दर्शक पुलकित सांगतात, 'भक्षक' चित्रपटाच्या माध्यमातून समाजातील कटू वास्तव दाखविण्याचा आमचा उद्देश आहे." हा चित्रपट 9 फेब्रुवारी 2024 रोजी OTT प्लॅटफॉर्म Netflix वर प्रदर्शित होणार आहे.