satvya mulichi satavi mulagi: सध्या झी मराठी वरील 'सातव्या मुलीची सातवी मुलगी' मालिका चांगलीच चर्चेत आहे. दिवसेंदिवस गूढ उलगडत जाणारी ही मालिका प्रेक्षकांना चांगलीच भावली आहे. या मालिकेत रूपालीने ममताचा खून करून तिची जागा आणि तिची संपत्ती बळकावलेली असते, त्याचं गूढ आता हळू हळू उलगडत आहे.

या मालिकेत रूपालीच्या म्हणजे खालनायिकेच्या भूमिकेत अभिनेत्री ऐश्वर्या नारकर आहे तर ममता ही भूमिका लेखिका आणि अभिनेत्री मुग्धा गोडबोले साकारत आहे. याच मालिकेतील एक खास सिन चित्रित होत असतानाचा व्हिडिओ मुग्धाने सोशल मीडियावर शेयर केला आहे.

या मालिकेत रूपाली ममताला टेरिस वरून ढकळून देते आणि तिचा खून करते असे दाखवण्यात आले आहे. पण हा सिन नेमका कसा शूट झाला हे पाहून तुम्हालाही आश्चर्य वाटेल.

मुग्धाने शेयर केलेल्या व्हिडिओमध्ये दिसते आहे की, या सिन मध्ये ममताला म्हणजेच मुग्धाला टेरिसवरून ढकळून देण्यात येते. म्हणूनच या सिनसाठी मुग्धा सारखा एक पुतळा तयार करण्यात आला होता. जो रूपाली टेरिस वरून ढकलते. तर याचे विविध अँगलने शूट करण्यासाठी मुग्धा टेरिस याऐवजी एका छोट्या टेबल वरून उडी मारताना दिसत आहे. हा भन्नाट व्हिडिओ सध्या चांगलाच व्हायरल होत आहे.