prajakta mali : मराठी सिनेसृष्टीत सध्या अभिनेत्री प्राजक्ता माळीची रानबाजार या वेबसिरीजची चर्चा अधिक रंगली आहे. वेब सीरिजच्या पहिल्या टीजरपासून यामध्ये बोल्ड दृश्य दाखवण्यात आली आहे. त्यामुळे सोशल मीडियावर याची विशेष चर्चा रंगली होती. या वेब सिरिज मध्ये प्राजक्ताने एका वेश्येची भूमिका साकारली आहे. या भूमिकेसाठी तीला प्रचंड मेहनत करावी लागली. प्राजक्ताच्या स्वभावाच्या पूर्णतः विरुद्ध अशी ही भूमिका होती. त्यामुळे तिने या भूमिकेचा अभ्यास करण्यासाठी अनेक सायास केले आहेत. पण इतकी महत्वाची भूमिका असतानाही तिच्या या भूमिकेकडे अभिनेता कुशल बद्रिकेने चक्क दुर्लक्ष केले आहे. विशेष म्हणजे त्याची ही चूक त्याला चांगलीच महागात पडली आहे. (actress prajakta mali fans angry reaction on kushal badrike's ranbazar post)

अभिनेता कुशल बद्रिकेने (Kushal Badrike) रानबाजार वेबसिरिज पाहून एक पोस्ट शेअर केली आहे. यामध्ये कुशलने सर्वांचे कौतुक केले पण प्राजक्ता माळीला मात्र बगल दिली आहे. कुशलने आपल्या पोस्टमध्ये प्राजक्तासाठी एकही शब्द लिहिलेला नाहीय. शिवाय तिला टॅगही केलेलं नाहीय. त्याची ही चूक प्राजक्ताच्या चाहत्यांनी अचूक हेरली आहे.

'Web series ची Typical गणितं मोडत, समाजाच आणि राजकारणाच वास्तव चित्र दाखवणारी ही Series “कथेच्या नायकातल, अती-सामान्यपण, आणि सामान्य माणसातला नायक अधोरेखीत करत रहाते”.“System नावाची एक निर्जीव गोष्ट आपल्यातला जिवंतपणा संपवून टाकते” हेच खर.अभिजीत पानसे , तेजस्विनी पंडीत, मोहन आगाशे सर, मकरंद अनासपुरे, मोहन जोशी काका, अनंत जोग सर, माधुरी पवार ह्यांचा भाराऊन टाकणारा Performance ह्या Series चा आत्मा ठरतो.Personally मला ही Web series खुप आवडली नक्की बघा “रान बाजार”On Planet Marathiआणि जाता जाता….. “ते कुंडी लगालो सय्यां” गाण काहीच्या काही केलय'' अशी पोस्ट कुशलने केली आहे.

यामध्ये प्राजक्ताविषयी एकही अक्षर लिहिलेले नाही. यावर प्राजक्ताच्या चाहत्यांनी नजरी व्यक्त केली आहे. या पोस्टमध्ये प्राजक्ता कुठे आहे, प्राजक्ताचा अभिनय तुला आवडला नाही का, प्राजक्ताचा उल्लेख व्हायला हवा. कारण तिने कामही तितकं दर्जेदार केलंय अशा प्रतिक्रिया चाहत्यांनी दिल्या आहेत. अखेर याची दखल स्वतः कुशलने घेतली असून प्राजक्ताची माफी मागितली आहे. माझ्याकडून हे चुकून झालं, असंही तो म्हणाला.