मुंबई - मिर्झापूरचा दुसरा भाग प्रदर्शित झाल्यानंतर अवघ्या काही तासांत त्याच्यावर मोठ्या प्रमाणात लोकप्रियता मिळाली होती. अनेकांनी रात्रभर जागून ही सीरिज पाहिली होती. या मालिकेचा पहिला भागही रसिकांच्या पसंतीस उतरला होती. त्यामुळे दुस-या भागाची उत्सुकता प्रेक्षकांना होती. ती प्रदर्शित झाल्यानंतर या मालिकेनं टॉपचं रेटिंगही मिळाली.

सरतेशेवटी मिर्झापूरच्या गादीवर कोण बसणार यावर निर्णय झालेला नाही. त्याविषयी मालिकेतील अभिनेत्री रसिका दुग्गल हिनं एका मुलाखतीतून नवीन माहिती सांगितली आहे. हिंदीत प्रदर्शित झालेली मिर्झापूर ही आता तमिळ आणि तेलगु भाषेतही प्रदर्शित झाली आहे. रसिकानं मिर्झापूरनं कालीन भैय्याच्या पत्नीची भूमिका केली होती. ती प्रेक्षकांना अतिशय आवडली होती. मिर्झापूरच्या सत्तेवर कुणाचा अंकुश राहणार यात महत्वाची भूमिकाही रसिकानं वठवली आहे. रसिकानं इंस्टाग्रामच्या अकाऊंटवर माहिती शेयर केली आहे.

रसिका म्हणाली, मिर्झापूरचं राजकारण दिसते तसे नाही. त्यात वेगवेगळे बदल आहेत. ते बारकाईनं समजून घ्यायला हवे. तिनं जो एक व्हिडिओ शेयर केला आहे त्या व्हिडिओ मध्ये ती त्रिपाठी परिवारातील नोकर राजाला सांगते की, कालीन भैय्याची दोनच मुलं आहेत. मात्र मिर्झापूरची गादी तर एकच आहे. त्यामुळे जो वाचेल तोच या गादिवर बसेल असे तिनं म्हटलं आहे.  याबरोबरच तिनं असं लिहिलं आहे की,  हे लक्षात घेतलं म्हणजे मिर्झापूरचे पॉलिटिक्स लक्षात येईल. आता तमिळ, तेलगु भाषेतील प्रदर्शित होणा-या या मालिकेत मिर्झापूरची गादी ही केवळ एकासाठीच असल्याचे लक्षात घ्यायला हवे.

'द डर्टी पिक्चर' फेम अभिनेत्री आर्या बॅनर्जीचा कोलकत्त्याच्या घरी आढळला मृतदेह

मिर्झापूरच्या मालिकेनं रसिकाला एक वेगळी ओळख दिली आहे. त्यात तिची भूमिका प्रेक्षकांना खूपच आवडली. त्यामुळे ती प्रेक्षकांच्या पसंतीस उतरली आहे. याशिवाय आणखी काही मालिका आणि चित्रपट यामुळेही ती सर्वांच्या आवडीची अभिनेत्री झाली आहे. मेड इन हेव्हन, अ सुटेबल बॉय सारख्या मालिकेतही तिची भूमिका लक्षवेधी झाली होती.