मुंबई - बंगळुरमध्ये एका ऑडी चालकानं ऑटोरिक्षा आणि दोन दुचाकींना धडक दिल्याची घटना घडली होती. आता त्या कार चालकाची ओळख पटली आहे. मात्र त्यामुळे अभिनेत्री शिल्पा शेट्टीचा पती राज कुंद्रा हा चर्चेत आला आहे. याचे कारण म्हणजे ती गाडी त्यांची होती. दोन महिन्यांपूर्वी त्यानं ती दुस-याला विकली होती. त्यामागील कारणाचा उलगडा यानिमित्तानं झाला आहे. यामुळे त्या प्रकरणात राज कुंद्रा वाचले आहेत असे म्हणायला हरकत नाही.

आता सध्या ज्याच्या नावावर ती कार आहे त्याचे नाव मोहम्मद साहब असे आहे. अपघाताप्रसंगी मोहम्मद साहब गाडी चालवत होते. पोलिसांनी त्यांची विचारपूस केल्यानंतर ते म्हणाले की, मी खूप घाबरलो होतो. त्यामुळे घटनास्थळी थांबलो नाही. मी अपघातातील वाहनांची नुकसान भरपाई देण्यात तयार आहे. गेल्या  रविवारी बंगळुरुमध्ये एका ऑडी चालकाने ऑटोरिक्षा आणि दोन दुचाकींना धडक दिली होती. पोलिसांना या कारची ओळख पटली आहे. ही कार शिल्पा शेट्टीचे पती राज कुंद्रा यांच्या नावावर असल्याचे रिपोर्ट्समध्ये दिसून आले आहे.

पोलिसांनी ती बाब प्रकाशात आणली आहे. कुंद्रा यांनी 2 महिन्यांपूर्वीच ही कार विकल्याचेही त्यांनी सांगितले आहे. पोलीस म्हणाले, "संबंधित कार शिल्पा शेट्टीचे    पती राज कुंद्रा यांच्या नावावर असल्याचे मुंबईच्या RTO अधिकाऱ्यांकडून समजले. राज कुंद्रा यांनी दोन महिन्यांपूर्वी ती कार बंगळुरूच्या एका कार डिलरला विकल्याचे त्यांच्या मॅनेजरने सांगितले. वाहनाच्या कागदपत्रांमध्ये अजूनही राज कुंद्रा यांचे नाव होते. ते बदलले नव्हते.

हे वाचा - शर्ट आणि शॉर्टमध्ये निना गुप्तांचा VIDEO; स्मृती इराणींची हटके कमेंट

रविवारी दुपारी 2.45 वाजता हा अपघात घडला होता. MH-02-BP-0010 क्रमांकाची ऑडी R8 ने सेंट मार्क्स मार्गावर एका हॉटेलजवळ एक ऑटोरिक्षा आणि दोन दुचाकींना धडक दिली होती. त्यानंतर वाहनचालक कार घेऊन पसार झाला होता.  ऑटो चालक  आणि दुचाकीस्वारांना किरकोळ दुखापत झाली. तसेच  वाहनांची मोडतोड झाल्याचे दिसून आले आहे. या प्रकरणी कब्बन पार्क वाहतूक पोलिस स्टेशनमध्ये हिट अँड रनचा गुन्हा दाखल करण्यात आला होता.