Tejaswini Pandit: मराठी अभिनेत्री तेजस्विनी पंडित हे मनोरंजन विश्वातील चर्चेतलं नाव आहे. तेजस्विनी नेहमीच कोणत्या ना कोणत्या कारणाने चर्चेत असते. तेजस्विनी तिच्या अभिनयासोबतच तिच्या सौंदर्यानेही सर्वांना वेडं लावते. मात्र आपल्या अभिनयासोबतच तेजस्विनी आपल्या वक्तव्यामुळेही चर्चेत असते. ती बऱ्याच मुद्यावर ती मतं व्यक्त करत असते.

नुकतच तिने खासदर अन् आमदारांच्या निलंबनावर ट्विट केलं होते आता पुन्हा तेजस्विनीच्या एका ट्विटची सोशल मिडियावर चर्चा सुरु झाली आहे.

तिने कुणाचेही नाव न घेता एक शायरी पोस्ट केली आहे. मात्र नेटकऱ्यांनी या ट्विटचा संबधही राजकारणाशी जोडला आहे.

तेजस्विनीने एक्स अकाउंटवर पोस्ट करत लिहिले आहे की, "मंज़िल मिलेगी भटक कर ही सही, गुमराह तो वो है, जो घर से निकला ही नहीं!". यासोबत तिने #IYKYK #thankyou #प्रश्नविचारतरहा असे हॅशटॅग वापरले आहे.

भटकंती करूनच तुम्हाला जिथे जायचंय तिथे तूम्ही पोहोचू शकता, पण जे आजवर घराच्या बाहेरच पडले नाहीत, ते भरकटलेले असतात असं काहीतरी तेजस्विनीला बोलायचे आहे.

मात्र तेजस्विनीने ही पोस्ट कुणासाठी लिहिली आहे सांगितलेले नाही त्यामुळे अनेकांनी या पोस्टचा संबंध माजी मुख्यमंत्री उद्धव ठाकरे यांच्यासोबत लावला आहे.

एका नेटकऱ्याने लिहिले, 'खरे आहे. वाह ताई वाह, चांगला टोमणा मारला'. तर दुसऱ्याने लिहिले आहे, 'अरे, डायरेक्ट उद्धव ठाकरेंना टोमणा??' तर एका नेटकऱ्यांने लिहिले, आज एकदम उबाठा वर निशाणा? तर एकानं लिहिले, 'सरकारला प्रश्न विचारलेच पाहिजेत'.

सध्या तेजस्विनीच्या पोस्टची सोशल मिडियावर चर्चा रंगली आहे. मात्र तिने या पोस्टमध्ये कुणाचेही नाव घेतलेले नाही.