Adipurush Movie News सैफ अली खान आणि प्रभास स्टारर आदिपुरुष चित्रपटाचा टीझर नुकताच रिलीज झाला आहे. चित्रपटाबद्दल प्रचंड चर्चा रंगली होती. प्रेक्षक चित्रपटाची आतुरतेने वाट पाहत होते. मात्र, टीझर रिलीज झाल्यानंतर बहुतांश चाहत्यांची निराशा झाली. आदिपुरुष चित्रपटाचे बजेट ५०० कोटी असल्याचे सांगितले जात आहे. जे ब्रह्मास्त्रच्या बजेटपेक्षा १०० कोटी जास्त आहे. असे असूनही चित्रपट फ्लॉप होण्याचे भरपूर वाव आहे.

आदिपुरुष फ्लॉप ठरण्याची दाट शक्यता आहे. याचे पहिले कारण म्हणजे चित्रपटाचे व्हीएफएक्स काम. निर्मात्यांनी याला व्हीएफएक्स चित्रपट म्हटले होते. परंतु, चित्रपटाचे व्हीएफएक्स इतके खराब आहे की व्हीएफएक्स ऐवजी कार्टून किंवा ॲनिमेशन चित्रपट म्हणत ट्रोल केले जात आहे. व्हीएफएक्सच्या बाबतीत ब्रह्मास्त्रने हिंदी चित्रपटसृष्टीत वेगळेच स्थान निर्माण केले आहे.

सोशल मीडियावर कलाकारांना जुन्या विधानांमुळे प्रचंड ट्रोल केले जात आहे. आदिपुरुषच्या रिलीजपूर्वी सैफ अली खानचे असेच वक्तव्य समोर आले आहे. सैफ अली खानचे विधान सोशल मीडियावर सतत शेअर केले जात आहे. ज्यामध्ये त्याने म्हटले आहे की, तो आपल्या मुलाचे नाव राम ठेवू शकत नाही.

सोशल मीडियावर लोक प्रभासच्या चित्रपटातील राम लूकवर फारसे समाधानी नाही. त्याचे शेवटचे दोन बिग बजेट चित्रपट वाईटरित्या फ्लॉप झाले. रामच्या पात्राला मिशा असल्याबद्दलही अनेकांनी प्रश्न उपस्थित केले आहेत.

एका चित्रपटाची दुसऱ्या चित्रपटाशी तुलना करणे योग्य नसले तरी हिंदी चित्रपटसृष्टीत हे अगदी सामान्य आहे. आदिपुरुष रिलीज होताच लोक या चित्रपटाची तुलना ब्रह्मास्त्रशी करू लागले आहेत. दोन्ही चित्रपटांची कथा आणि संदर्भ जरी वेगवेगळे असले तरी तरीही प्रेक्षक दोन्ही चित्रपटाची तुलना करीत आहेत.

आदिपुरुषमधील सैफ अली खानचा लूकही वादाचे कारण बनला आहे. एकीकडे रामाचे पात्र मिशी असलेले दाखवले आहे तर रावणाचे पात्र लांब दाढीचे आहे. सैफ अली खानच्या रावण लूकची लोक अलाउद्दीन खिलजीसोबत तुलना करीत आहेत. रावणाने इस्लाम स्वीकारला का, असे प्रश्न विचारले जात आहे.