मुंबई- दिग्दर्शक अनुराग बासु यांचा ‘लूडो’ हा सिनेमा नुकताच ओटीटी प्लॅटफॉर्मवर रिलीज झाला. या सिनेमात अभिनेता आदित्य रॉय कपूरला बोलक्या बाहुल्यांची कला अवगत असते. यामध्ये हुबेहुब आदित्यसारखा दिसणारा बाहुला रामदास पाध्ये आणि त्यांचा मुलगा सत्यजीत पाध्ये यांनी बनवला आहे. थ्रीडी प्रिंटिंग प्रणालीचा उपयोग करून त्यांनी आदित्यसारखा दिसणारा हा बाहुला बनवला आहे.

हे ही वाचा: प्रशांत दामले म्हणाले 'एक मत्त आनंदाची बातमी देणार’, चाहते गोंधळात  

याविषयी सांगताना रामदास पाध्ये म्हणाले, “अनुराग बासू यांना आम्ही हुबेहुब दिसणा-या बाहुल्या बनवू शकतो याची माहिती होती. ते आमच्याकडे आले तेव्हा आम्ही काही संग्रही असलेल्या बाहुल्या त्यांना दाखवल्या होत्या. तेव्हा त्यातले बारकावे पाहून त्यांना आश्चर्य वाटलं होतं.”बोलक्या बाहुल्यांच्या कलेत ५३ वर्षांचा जबरदस्त अनुभव असलेल्या प्रसिद्ध रामदास पाध्येंच्या संग्रही २२०० पेक्षा जास्त बाहुल्या आहेत. वडिलांप्रमाणेच या क्षेत्रात नाव कमावलेले सत्यजित पाध्ये तर ‘इंडियाज गॉट टॅलेंट’, ‘केबीसी’, ‘बिग बॉस’ अशा अनेक शोमध्येही दिसले आहेत. 

सत्यजीत सांगतात, “आदित्यची थ्रीडी बाहुली बनवताना आम्ही त्याचा थ्रीडी स्कॅन केरून घेतला. त्यानंतर आदित्यचे काही थ्रीडी फोटो काढले. आणि मग त्यानुसार फायनल थ्रीडी प्रिंटेड बाहुला तयार केला.” आदित्यच्या चेहऱ्याची ठेवण, भुवया, आणि पापण्या यांची हालचाल या गोष्टी आव्हानात्मक होत्या. मग इथे रामदास पाध्ये यांचा अनुभव कामी आला. यानंतर आदित्यला ल्युडो या सिनेमातील भूमिकेसाठी सत्यजीत यांनी ट्रेनिंग दिलं.  

aditya roy kapurs alter ego puppet was made using 3d technology