'पवित्र रिश्ता'मुळे घराघरात पोहोचलेली अंकिता लोखंडे(Ankita Lokhande) काही दिवस इंडस्ट्रीपासून दूर होती तरी चाहत्यांच्या लख्ख लक्षात राहिली ते तिच्या सुंदर चेह-यामुळेच नाही तर तिच्या अभिनयामुळेही. खरंतर दिवंगत सुशांत सिंग राजपूतसोबतचं तब्बल सहा वर्षांचं तिचं नातं यामुळेही त्या दोघांच्या चाहत्यांमध्ये ते प्रसिद्ध होते. आणि खरंतर सुशांतसोबत झालेल्या ब्रेकअपनी मानसिक स्वास्थ्य बिघडल्यामुळेच ती इंडस्ट्रीपासून दुरावली होती हे नंतर तिनंच सांगितलं. पण असं असतानाही सुशांत सिंग राजपूतनं जेव्हा आत्महत्या करून या जगाचा निरोप घेतला तेव्हा मात्र तिनं मनात कोणताही रागरुसवा न ठेवता त्याच्या कुटुंबासोबत उभं राहून त्यांच्या दुःखात सहभागी झाली. पडेल ते सहकार्य केलं तेव्हा पोलिस ससेमिरा मागे लागेल म्हणून त्याच्याकडे पाठ वळवली नाही.

खरंतर सुशांतसोबतच्या ब्रेकअपनंतर ती पूर्ण कोलमडली होती. बॉलीवूडमध्ये करिअर करण्याचं स्वप्नही तिनं मागे सोडलं होतं. पण बिझनेसमन विकी जैन तिच्या आयुष्यात आला अनं तिच्या आयुष्याला एक चांगली कलाटणी मिळाली. विकीनं दिलेला आत्मविश्वास घेऊन तिनं पुन्हा मोठ्या जोमानं करिअरला सुरुवात केली. बॉलीवूडचे दोन सिनेमे केले. कंगनाच्या 'मणिकर्णिका' सिनेमातली तिची व्यक्तीरेखा लक्षात राहिली. आताही ती एकता कपूरच्या 'पवित्र रिश्ता २' मध्ये आपल्याला दिसतेय. पण सध्या ती पुन्हा चर्चेत आली ती तिच्या लग्नामुळे. सोशल मीडियावर तिच्या मेहेंदी,संगीत आणि लग्नाच्या फोटोंची एकच चर्चा होती.

मुंबईतील फाइव्ह स्टार हॉटेलमध्ये तिचं विकी जैनसोबत मोठ्या थाटामाटात लग्न पार पडलं. खरंतर तेव्हा लग्नाआधी तिच्या पायाला दुखापत झाली होती. लग्न पुढे ढकलले जाईल या चर्चेला उधाण आलं होतं. पण तसं झालं नाही. आता पुन्हा लग्नाला जेमतेम 17 दिवसच होत आहेत तर बिचारीच्या आयुष्यात पुन्हा वादळ आल्याची बातमी आहे. ते वादळ म्हणजे तिच्या पायाचं दुखणं बळावलंय. ती आधाराशिवाय चालू शकत नाही. पण हे सारं ती मात्र नेहमीप्रमाणे हसत हसत सहन करतेय. बघा आम्ही हा जोडलेला व्हिडीओ, लक्षात येईल आपल्या. स्पोर्टिंग स्पिरीट घेऊनच अंकिता मॅडम जन्माला आल्या आहेत याचं ते जिवंत उदाहरण आहे. तर बिचा-या अंकिताच्या आयुष्यात पाय दुखावण्याची दुर्घटना का वारंवार होतेय हे कळतच नाही.