अभिनेता आमिर खानने सोमवारी सोशल मीडियाला रामराम करत चाहत्यांना आश्चर्याचा धक्का दिला. त्यानंतर आता आणखी एका प्रसिद्ध अभिनेत्याने सोशल मीडियाला 'गुडबाय' करत असल्याचं जाहीर केलं. या अभिनेत्याचं नाव आहे सुशांत सिंह. सुशांतने 'द लेजंड ऑफ भगत सिंग', 'सत्या', 'दम', 'लक्ष्य' यांसारख्या चित्रपटांमध्ये दमदार भूमिका साकारल्या आहेत. तर 'सावधान इंडिया' या क्राइम शोचं सूत्रसंचालनही त्याने केलं होतं. सुशांतने इन्स्टाग्राम अकाऊंटवर एक पोस्ट लिहिली आणि सोशल मीडिया सोडत असल्याचं चाहत्यांना सांगितलं. त्यानंतर सुशांतचा ट्विटर अकाऊंट बंद झाल्याचं पाहायला मिळालं. 'हा अकाऊंट अस्तित्वात नाही' असा संदेश त्यावर येऊ लागला.
'सोशल मीडिया प्लॅटफॉर्मपासून ब्रेक घेतोय. रिबूट करायची गरज आहे', असं त्याने अकाऊंट बंद करण्यापूर्वी ट्विट केलं होतं. त्यानंतर हीच पोस्ट त्याने इन्स्टाग्रामवर शेअर केली. तर दुसरीकडे आमिरनेही सोमवारी सोशल मीडिया अकाऊंट तात्पुरते बंद केले. १४ मार्च रोजी आमिरने वाढदिवस साजरा केला. सोशल मीडियावरील शुभेच्छांचे आभार मानत त्याने सोमवारी अचानक रामराम केला. सोशल मीडिया सोडत असलो तरी प्रॉडक्शन हाऊसमार्फत आगामी प्रोजेक्ट्सची माहिती देत राहणार असल्याचं त्याने स्पष्ट केलं.
याआधीही काही सेलिब्रिटींनी सोशल मीडियाला रामराम केला. यामध्ये बॉलिवूडसोबतच मराठी कलाकारांचाही समावेश आहे. काहींनी सततच्या ट्रोलिंगला वैतागून तर काहींनी ब्रेक हवा म्हणून सोशल मीडियाला तात्पुरता 'गुडबाय' केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.