हिंदी सिनेइंडस्ट्रीचा प्रसिद्ध गायक अदनान सामीनं(Adnan Sami) तेव्हा सर्वांना आश्चर्यचकित करुन सोडलं जेव्हा त्याने इन्स्टाग्रामवरचे(Instagram) सगळे पोस्ट(Post) डिलीट(Delete) केले. त्याच्या अकाऊंटवर फक्त अलविदा लिहिलं होतं. आणि हे पाहून त्याचे चाहते चिंतेत पडले होते. पण आता अदनानं एक नवी पोस्ट शेअर करत खुलासा केला आहे की,त्यानं असं नेमकं का केलं होतं. आणि त्यामुळे त्याच्या चाहत्यांचा जीव मात्र भांड्यात पडला आहे.(After Deleting All Instagram Posts, Adnan Sami Shares Another One Titled "Alvida")

अदनान सामीने इन्स्टाग्रामवर एक नवी पोस्ट शेअर केली आहे. हा त्याच्या नवीन अलविदा गाण्याचा टीझर आहे. त्याने कॅप्शनमध्ये लिहिलं आहे,'माझ्या म्हणण्याचा उद्देश होता A...L...V...I...D...A!'

आता अदनानच्या या नव्या पोस्टला पाहून त्याच्या चाहत्यांनी मोकळा श्वास घेतला आहे. कारण आता त्यांना कळलं आहे की ही फक्त गाण्याचे प्रमोशन करण्यासाठी लढवलेली शक्कल होती. अदनानने आपलं नवीन गाणं अलविदाचं प्रमोशन करण्यासाठी सोशल मीडिया अकाऊंटवरनं सगळे पोस्ट डिलीट केले होते.

Adnan Sami च्या या नव्या पोस्टवर त्याचे चाहते प्रतिक्रिया देताना दिसत आहेत. एका चाहत्यानं लिहिलं आहे की, 'सर तुम्ही तर घाबरवलं आम्हाला. मला वाटलं काय झालं तुम्हाला, तुम्ही कुठे जाऊ नका आम्हाला सोडून'. आणखी एका चाहत्यानं लिहिलं आहे,'खूप मस्त, इतकं छानं गाणं शेअर केल्याबदद्दल धन्यवाद'.

अदनान सामीने काही दिवस आधी मालदीवहून आपले काही फोटो शेअर केले होते, त्याची हेल्थ पाहून त्यावेळी चाहते शॉक झाले होते. तो खूपच फिट दिसत होता. त्यानं आपल्या वजनावर खूपच नियंत्रण मिळवलं होतं.

अदनान सामीने सुन जरा, शायद यही प्यार है, जान मेरी जा रही सनम, हम दीवाने सारखी सुपरहिट गाणी गायली आहेत. त्याला पद्मश्री पुरस्कारानं सम्मानित करण्यात आलं आहे.