Sherlyn Chopra News: अभिनेत्री शर्लिन चोप्राने एका फायनान्सर विरोधात जुहू पोलिस ठाण्यात विनयभंगचा गुन्हा दाखल केला आहे.

या फायनान्सरने एका व्हिडिओ रेकाॅर्डिंगसाठी पैसे देण्याच्या बहाण्याने जवळीकता साधत चुकीचा स्पर्श केला असल्याचा दावा तिने केलाय.

या गोष्टीला शर्लिनने विरोध केला असताना फायनान्सरने शर्लिनला अश्लिल भाषेत शिवीगाळ केली.

(After Raj Kundra, actress Sherlyn chopra files molestation case against a financier)

शर्लिनने विरोध केल्यावर आरोपीला राग अनावर झाल्याने आणि त्याने शर्लिनला जिवे मारण्याची धमकी दिल्याची घटना गुरूवारी दुपारी घडली.

या प्रकरणी अभिनेत्री शर्लिन चोप्राने दिलेल्या तक्रारीनुसार आरोपी सुनिल लोढा विरोधात जुहू पोलिस ठाण्यात कलम ३५४, ५०६,५०९ भादवी अंतर्गत गुन्हा दाखल केला आहे.

याआधी सुद्धा शर्लिन चोप्रा चर्चेत अली होती. साजिद खान जेव्हा बिग बॉस १६ च्या घरात गेला आहे तेव्हापासून शर्लिन चोप्राचे रक्त खवळले होते. तिने साजिद विरुद्ध लैंगिक शोषणाचा गुन्हा दाखल केला होता.

याशिवाय शर्लिनच्या पोर्न व्हिडिओज माझ्याकडे आहेत असा आरोप राखीने केला होता. याशिवाय याआधी शर्लिनने राज कुंद्रा आणि शिल्पा शेट्टी यांच्यावर देखील आरोप केला होता.

शर्लिनने ऑक्टोबर 2021 मध्ये राज कुंद्रा आणि पत्नी शिल्पा शेट्टीविरोधात तक्रार दाखल केली होती. दोघांवर गुन्हा आणि मानसिक छळाचे आरोप ठेवण्यात आले होते. राजला पॉर्नोग्राफिक व्हिडिओ तयार करण्याच्या आरोपाखाली अटक करण्यात आली होती.

तो सध्या जामिनावर बाहेर आहे. पुढे राज आणि शिल्पाने शर्लिनवर 50 कोटी रुपयांचा मानहानीचा दावा दाखल केला आहे.

शर्लिने जाहीर माफी मागावी अशीही मागणी केली होती. आता शर्लिनने सुनील लोढा केलेल्या तक्रारीविरोधात पोलीस काय ऍक्शन घेणार याकडे सर्वांचं लक्ष आहे.