Leo Trailer News: लिओ ट्रेलर काल प्रेक्षकांच्या भेटीला आला. थलापती विजयच्या फॅन्स सिनेमाच्या ट्रेलरची गेल्या अनेक दिवसांपासून वाट पाहत होते. अखेर लिओचा ट्रेलर काल रिलीज झाला.

साऊथ सुपरस्टारचे फॅन्स त्यांच्या लाडक्या अभिनेत्यांसाठी किती दिवाने असतात याचा अनुभव नुकताच आलाय. लिओचा ट्रेलर पाहून विजयचे फॅन्सनी एवढा गोंधळ घातला की थिएटरमधल्या खुर्च्यांची नासधूस केली. जाणून घ्या संपूर्ण प्रकरण.

(after watch leo trailer thalapathy vijay fans destroyed theatre seats)

एक व्हिडीओ समोर आलाय यात दिसतं की, चाहते बाहेर आल्यानंतर मोठ्या प्रमाणात थिएटरच्या खुर्च्यांची तोडफोड झाली.

सोशल मीडियावर अनेक व्हिडिओ समोर आले आहेत, ज्यामध्ये थिएटर हॉलमध्ये अस्वच्छता पसरली होती आणि काही सीट फाटल्या होत्या. आदल्या दिवशी, चाहत्यांनी थिएटरमधील व्हिडिओ शेअर केले आणि सांगितले की लिओचा ट्रेलर पाहण्यासाठी मोठ्या संख्येने लोक जमले होते.

व्हिडिओमध्ये, थिएटरच्या बाहेर मोठा जमाव जमलेला दिसत होता, जो दरवाजा उघडण्याची वाट पाहत होता. काही चाहत्यांनी थिएटरच्या आतील व्हिडिओ देखील शेअर केले आहेत, ज्यात असे दिसून आले आहे की सिनेमागृह चाहत्यांनी खचाखच भरलेली आहे आणि विजयचा जयजयकार करत आहे.

विजय आणि लिओची एकच हवा

तमिळ चित्रपट विश्वामध्ये थलापती विजयच्या नावाची मोठी क्रेझ आहे. त्यानं गेल्या काही वर्षांपासून ब्लॉकबस्टर चित्रपट दिले आहेत. त्या चित्रपटांनी बॉक्स ऑफिसवर विक्रमी कमाई केल्याचेही दिसून आले आहे. लोकेश कनगराजनं दिग्दर्शित केलेला लिओ हा चित्रपट यावर्षीचा विजयचा सर्वाधिक उत्सुकता असलेला प्रोजेक्ट आहे. १९ ऑक्टोबर रोजी तो प्रदर्शित होणार आहे. त्यामध्ये संजय दत्त, त्रिशा, अर्जून सर्जा यांच्या महत्वाच्या भूमिका आहेत.