Aishwarya Narkar Workout video: ऐश्वर्या नारकर ही मराठीतील अतिशय गुणी अभिनेत्री..अर्थात तिनं हिंदी मालिकाही गाजवल्या आहेत बरं का. गेल्या अनेक वर्षांपासनं इंडस्ट्रीत काम करुन जसा तिचा अभिनय बहरत गेला अगदी तसंच तिचं व्यक्तिमत्त्वही. ऐश्वर्या नारकर मराठीतली एक अशी अभिनेत्री आहे जिनं वयाच्या पन्नाशीतही स्वतःला खूप फिट ठेवलं आहे. अर्थात मराठीत अशा फिट अभिनेत्री मोजक्याच,म्हणजे पन्नाशी गाठलेल्या म्हणतोय बरं का आम्ही. ऐश्वर्या सोशल मीडियावरही अनेकदा आपले वर्कआऊट व्हिडीओ पोस्ट करत चाहत्यांना फिटनेस राखण्यासाठी प्रोत्साहन देताना दिसते.

ऐश्वर्या सध्या 'सातव्या मुलीची सातवी मुलगी' या मालिकेत महत्त्वाची व्यक्तिरेखा साकारतेय. मालिकेचं शूटिंग म्हटलं की कमालीचं व्यस्त शेड्युल पण अशातही ऐश्वर्या वर्कआऊटसाठी पुरेसा वेळ काढून वर्कआऊट करताना दिसते. सध्या तिच्या वर्कआऊटचा व्हिडीओ सोशल मीडियावर खूपच पसंत केला जात आहे. कारण वयाची पन्नाशी ओलांडूनही ती ज्या पद्धतीनं कठीण वर्कआऊट करताना त्या व्हिडीओत दिसत आहे ते पाहून भल्या भल्यांना घाम फुटेल.

हेही वाचा: इच्छापत्र करायचंय...मग या गोष्टी नक्कीच माहिती हव्यात....

ऐश्वर्याच्या या व्हिडीओवर चाहत्यांनीही प्रतिक्रियांचा पाऊस पडला आहे आणि आपल्या या लाडक्या अभिनेत्रीप्रमाणे वर्कआऊट करून फिट राहण्याचं वचनही काहींनी दिलं आहे. ऐश्वर्या नारकर सध्या 'सातव्या मुलीची सातवी मुलगी' मालिकेत खलनायिका रंगवतेय. अर्थात तिच्या चेहऱ्यावरील गोडवा ही भूमिका साकारताना तिला कसरत करायला लावत असणार हे नक्की.