Viral Video: प्रसिद्ध अभिनेत्री ऐश्वर्या राय बच्चनचा एक व्हिडीओ सध्या सोशल मीडियावर जोरदार व्हायरल होत आहे,ज्यात ती आलिया भट्ट विषयी बोलताना दिसत आहे. व्हिडीओ जवळपास पाच वर्ष जुना आहे. जेव्हा ऐश्वर्या राय आपला सिनेमा 'फन्ने खान'चं प्रमोशन करत होती. आणि त्या दरम्यान तिनं एका मुलाखतीत नेपोटिझम विषयी भाष्य करताना आलिया आणि करण जोहरचा उल्लेख केला होता.

व्हायरल व्हिडीओत ऐश्वर्या राय बच्चन म्हणताना दिसत आहे,''मी हे आलिया भट्टला देखील म्हणाले होते की ही गोष्ट तुझ्यासाठी खूप चांगली आहे. ज्या पद्धतीचा पाठिंबा तुला करण जोहरनं आधीपासून दिला आहे, त्यामुळे तुला आता कोणतीच गोष्ट अशक्य,कठीण वाटत नसेल''.(Aishwarya Rai Bachchan on alia bhatt and nepotism)

ऐश्वर्या राय व्हिडीओत म्हणताना दिसत आहे की, आलियाला खूप संधी चालून आल्या. पण ही गोष्ट देखील तेव्हा ऐश्वर्या म्हणाली होती की, आलिया खूप छान काम करतेय,मिळणाऱ्या संधीचं सोनं करतेय हे विसरून चालणार नाही. आणि यामुळेच तिला एकापाठोपाठ एक चांगली कामं मिळत आहेत.

अशा पद्धतीनं नेपोटिझमवर मोकळेपणानं भाष्य केल्यामुळे ऐश्वर्या रायचे चाहते मात्र तिच्यावर खूप खूश आहेत. कितीतरी नेटकऱ्यांना ऐश्वर्या रायचा हा अंदाज आवडल्याचं दिसत आहे.

राहुल चंदन नावाच्या एका नेटकऱ्यांन व्हिडीओ शेअर करत लिहिलं आहे की,'जेव्हा ऐश्वर्या राय बच्चननं आलिया भट्टला नेपोटिझमवरनं सुनावलं..'

तर आणखी एका नेटकऱ्यानं लिहिलं आहे की,' ऐश्वर्या खरं बोलतेय..आणि ती एक अशी अभिनेत्री आहे जिनं मिस वर्ल्ड सारखी मोठी स्पर्धा जिंकूनही खूप मोठा संघर्ष केला'.

आणखी एका नेटकऱ्यानं लिहिलं आहे की,' ऐश्वर्या रायला अभिनेत्री म्हणून आपलं नाव कमवायला खूप वेळ लागला पण आलियाच्या बाबतीत हे खूप सहज घडलं. ती फक्त तो फरक सांगतेय..आलियाला सुनावत नाही ना नेपोटिझमचा मुद्दा मोठा करतेय'.