मुंबई : अभिनेता अजय देवगणचा 'तानाजी....द अनसंग वॉरियर' हा शंभरावा चित्रपट होता. या चित्रपटाला चांगले यश मिळाले. काही राज्यांमध्ये हा चित्रपट करमुक्त झाला. त्यानंतर अजयचा 'भुज...द प्राईड ऑफ इंडिया' हा चित्रपट थिएटरमध्ये प्रदर्शित होईल असे वाटलेले होते. पण हा चित्रपट आता ओटीटी प्लॅटफॉर्मवर प्रदर्शित होणार आहे.
आता अजयच्या मैदान या चित्रपटाबद्दल अनेकांना आता उत्सुकता लागलेली आहे. हा चित्रपट फुटबॉल खेळावर आधारित आहे. सय्यद अब्दुल रहीम यांनी 1950 ते 1963 मध्ये भारतीय फुटबॉल संघाचे प्रशिक्षक आणि व्यवस्थापक म्हणून काम पाहिले. त्यांचा एकूणच प्रवास या चित्रपटात रेखाटण्यात आला आहे. त्यांची व्यक्तिरेखा अजय या चित्रपटात साकारीत आहे.
या चित्रपटाचे दिग्दर्शन अमित रवींद्रनाथ शर्मा यांनी केले आहे. हा चित्रपट नोव्हेंबर महिन्यात प्रदर्शित होणार होता. प्रॉडक्शन हाऊसने जवळपास तारीख निश्चित केलीच होती. परंतु कोरोनामुळे थिएटर्स कधी उघडतील हे सांगता येत नाही. त्यामुळे आता हा चित्रपट पुढील वर्षी प्रदर्शित करण्याचा निर्णय घेण्यात आला आहे. अजय देवगणने याबाबतची घोषणा केली आहे. या चित्रपटाचे पोस्टर्स त्याने सोशल मीडियावर टाकले आहे आणि पुढील वर्षी 13 ऑगस्ट 2021 रोजी हा चित्रपट प्रदर्शित होईल. या चित्रपटात अजयबरोबरच प्रियमणी, गजराज राव, आकाश चावला आदी कलाकारही काम करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.