Akshay Kumar Bollywood Actor chhatrapati Shivaji Maharaj look viral: प्रसिद्ध मराठी - हिंदी चित्रपट दिग्दर्शक महेश मांजरेकर यांच्या वेडात मराठे वीर दौडले सात या चित्रपटाची बऱ्याच दिवसांपासून चर्चा आहे. त्यावरुन वेगवेगळे वादही समोर आले होते. मनसे अध्यक्ष राज ठाकरे आणि मुख्यमंत्री एकनाथ शिंदे यांच्या उपस्थितीमध्ये या चित्रपटाचा मुहूर्त सोहळा पार पडला होता.

मांजरेकर यांच्या या चित्रपटामध्ये बॉलीवूडचा खिलाडी अक्षय कुमार हा छत्रपती शिवाजी महाराजांच्या भूमिकेत दिसणार असल्याचे यावेळी जाहीर करण्यात आले होते. त्यानंतर अक्षयनं महाराजांची भूमिका करावी की नाही याविषयी सोशल मीडियावर वेगवेगळ्या चर्चेला उधाण आले होते. त्याच्याऐवजी आणखी कोणत्या कलाकाराला त्या भूमिकेसाठी घेता आले असते यावरही नेटकऱ्यांनी आपआपल्या प्रतिक्रिया दिल्या होत्या. आता अक्षय कुमारचा शिवाजी महाराजांच्या वेशभूषेतील लूक व्हायरल झाला असून त्यावर सोशल मीडियावर त्यावर नेटकऱ्यांनी प्रतिक्रिया देण्यास सुरुवात केली आहे.

हेही वाचा - शेतमजूर ते कॅनाॅल मॅन...जाणून घ्या एक यशोगाथा....

महेश मांजरेकर दिग्दर्शित या चित्रपटावरुन गेल्या काही दिवसांपासून वाद सुरु झाला आहे. प्रत्यक्षात चित्रिकरणाला सुरुवात होण्यापूर्वीच चर्चेत आलेल्या वादामुळे हा चित्रपट नेटकऱ्यांचे लक्ष वेधून घेणारा ठरणार आहे. चाहत्यांनी नेटकऱ्यांनी अक्षयच्या लूकचे कौतूक केले आहे. त्याला प्रतिक्रिया देत या चित्रपटासाठी शुभेच्छाही दिल्या आहेत.