मुंबई ः दिया और बाती हम, अगले जनम मोहे बिटिया किजो अशा काही मालिकांमध्ये काम करणाऱ्या नुपूर अलंकारला आईच्या उपचारासाठी आर्थिक मदत हवी आहे, असे तिची अभिनेत्री मैत्रीण रेणुका शहाणेने सोशल मीडियावर आवाहन केले होते. आता नुपूरला मदत अभिनेता अक्षय कुमारने केली आहे. त्यामुळे अभिनेत्री रेणुका शहाणेने अक्षय कुमारचे आभार मानले आहेत.
अभिनेत्री नुपूर अलंकारचे पैसे पीएमसी बँकेत होते. ही बँक घोटाळ्यात अडकल्यामुळे नुपूरचे पैसे तेथे अडकले आहेत. सध्या नुपूरची आई आजारी आहे आणि तिच्याकडे असलेले पैसे आईच्या उपचारासाठी खर्च झाले आहेत. त्यामुळे आता तिला आर्थिक चणचण भासत आहे. त्यामुळे तिला मदतीची गरज आहे,असे आवाहन नुपूरची मैत्रीण अभिनेत्री रेणुका शहाणे हिने सोशल मीडियावर केले होते.
अक्षय कुमारला ही बाब लक्षात आली आणि त्याने रेणुकाचे पती आशुतोष राणा यांना फोन केला आणि मिळेल असे सांगितले. रेणुकाने सोशल मीडियावर याबद्द्ल अक्षय कुमारचे आभार मानले आहेत. रेणुका शहाणे म्हणते, की देवदूतांसारखा अक्षय कुमार धावून आला आहे. त्याने आशुतोषला फोन केला आणि किती रकमेची गरज आहे असे विचारले. रक्कम सांगताच त्याने त्या रकमेपेक्षा अधिक रक्कम नुपूरच्या बँक खात्यामध्ये टाकली. खरोखर देवदूतांसारखा तो धावून आला. त्याचे आभार मानावेत तेवढे थोडे आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.