Al Pachino Father: अॅक्टिंग आयकॉन अल पचिनो, वयाच्या 83 व्या वर्षी आणि मैत्रीण नूर अलफल्लाह यांनी त्यांच्या चौथ्या मुलाचे जगात स्वागत केले, गुरुवारी ही बातमी सगळीकडे व्हायरल झाली होती.

पचिनोच्या प्रतिनिधीने जन्माबद्दल एक संक्षिप्त विधान जारी केले.. "मी पुष्टी करत आहे की अल पचिनो आणि नूर अल्फल्लाह यांनी रोमन पचिनो नावाच्या मुलाचे स्वागत केले आहे," पचिनोच्या प्रवक्त्याने सांगितले. बाकी इतर कोणतेही तपशील सांगितले नाहीत.

गॉडफादर फेम अभिनेता अल पचिनो वयाच्या ८२ व्या वर्षी बाप होणार असल्याच्या बातमीने चर्चांना उधाण आलं. अल पचिनो यांच्यावर जगभरातुन शुभेच्छांचा वर्षाव होत आहे. अल पचिनो याची २९ वर्षीय गर्लफ्रेंड नूर अलफल्लाह प्रेग्नेंट आहे याचा खुलासा झाला.

परंतु काही दिवसांपुर्वी मात्र वेगळी बातमी समोर आली होती. टीएमझेडच्या वृत्तानुसार, अभिनेता अल पचिनोला विश्वास बसत नाही की नूरला त्याचे मूल होणार आहे. कारण अल सध्या अशा आरोग्य स्थितीशी लढत आहे ज्यामुळे सामान्यतः वांझपण येते.

नूरच्या आधीच चाचण्या झाल्या आहेत आणि हे सिद्ध झाले आहे की हॉलीवूड स्टार अल पचिनो तिच्या मुलाचा बाप आहे, असा अहवाल aceshowbiz.com.यांनी प्रसिद्ध केला होता.

नूरच्या गरोदरपणाची बातमी मे महिन्याच्या अखेरीस आली होती. ते आठ महिने एकत्र होते असे सांगण्यात येत आहे. एका महिन्यात हे जोडपे त्यांच्या पहिल्या मुलाचे एकत्र स्वागत करणार असल्याची बातमी सोशल मीडियावर वाऱ्यासारखी पसरली आहे.