एक वेळ अशी होती की कोणत्याही चित्रपटात शाहरुख खान असेल तर तो हमखास यशस्वी होणारच अशी खात्री होती. मात्र त्याची मागील काही चित्रपट बाॅक्स ऑफिसवर अपयशी ठरली आहेत. लोक म्हणू लागले की शाहरुख खानची (Shah Rukh Khan) वेळ निघून गेली आहे. त्याचे स्टारडम संपले आहे. मात्र किंग खान पुन्हा एकदा मोठ्या पडद्यावर वापसी करण्यास तयार आहे. यावर आलिया भटला (Alia Bhatt) जेव्हा विचारले गेले तेव्हा तिने वेगळीच प्रतिक्रिया दिली. (alia bhatt answer over sharukh khan unsuccessful movies)

'डिअर जिंदगी' या चित्रपटात शाहरुख खानबरोबर आलियाने काम केले आहे. यशस्वी चित्रपटांबाबत ती शाहरुखला काय सल्ला देऊ इच्छित आहे, असा प्रश्न तिला विचारला गेला. त्यावर ती म्हणाली, त्याला कोणत्याही सल्ल्याची गरज नाही. तो स्वतः जादू आहे आणि जादूगरही. आलिया भटने शाहरुख खानविषयी सांगितले, मी त्याला कोणताही सल्ला देऊ इच्छित नाही. तो इतका मॅजिकल का आहे, असा सल्ला उलट मी त्यांच्याकडून घेईल. (Bollywood News)

आलिया भटचा करिअरचा आलेख वेगाने वर जात आहे. संजयलीला भन्साळीने दिग्दर्शित केलेल्या गंगुबाई काठियावाडीत तिने मुख्य भूमिका केली होती. स्वतःच्या बळावर चित्रपट सुपरहिट केला होता. चित्रपटाने जगभरात २०० कोटींपेक्षा अधिक कमाई केली होती.