Alia Bhatt: बॉलीवूडमध्ये सध्या जोरदार दिवाळी पार्ट्या रंगताना दिसत आहेत,ज्यामधनं बड्या बड्या सेलिब्रिटींची उपस्थिती लक्ष वेधून घेताना दिसत आहे. गेल्या आठवड्याभरात आयुषमान खुराना,तापसी पन्नू,एकता कपूर,अबू जानी,रमे तोरानी आणि आंनद पंडित यांच्यासोबत अनेकांनी दिवाळी पार्ट्यांचे आयोजन केले होते. अभिषेक बच्चन,ऐश्वर्या राय-बच्चन, करिष्मा कपूर, माधुरी दिक्षित,विकी कौशल,कतरिना कैफ,अक्षय कुमार,हृतिक रोशन असे बडे कलाकार या पार्ट्यांना उपस्थित राहिले होते. पण रणबीर कपूर आणि आलिया भट्ट यापैकी कुठल्याच पार्टीत नजरेस पडले नाहीत. आता आलियानं इन्टाग्रामवर लेटेस्ट फोटो पोस्ट करत यामागचे कारण सांगितले आहे.(Alia Bhatt sharing latest picture, said celebrating diwali on bed)

लग्नानंतरची आलियाची ही पहिली दिवाळी आहे. त्यामुळे अर्थातच चाहत्यांना रणबीर आणि आलियाचे दिवाळी फोटो पाहण्याची उत्सुकता लागून राहिली होती,पण हे कपल कुठल्याच पार्टीत नजरेस पडलं नाही. आलियानं आता लेटेस्ट फोटो शेअर करत यामागचं कारण सांगितलं आहे. लवकरच रणबीर-आलिया आई-वडील होणार आहेत. त्यामुळे आलिया म्हणालीय,''यावर्षी माझी दिवाळी बेडवरच आराम करत मी साजरी करत आहे''.

आलियानं इन्स्टाग्रामवर २ फोटो शेअर केले आहेत. एक गेल्या वर्षीचा दिवाळीचा फोटो आहे,ज्यात तिनं निळ्या रंगाचा लहंगा परिधान केला आहे आणि हातात मेणबत्ती पकडलेली आहे. दुसऱ्या लेटेस्ट फोटोत तिनं कॅज्युअल टी-शर्ट परिधान केला आहे आणि ती बेडवर आराम करताना दिसत आहे. तिच्या मागे तिची कॅट अॅडवर्ड आहे. आलियानं फोटो पोस्ट करत कॅप्शन दिलं आहे की,''शुभ दिपावली,एक गेल्या वर्षीचा फोटो आहे आणि एक आताचा फोटो आणि त्यातील मी,यंदा दिवाळी बेडवरच साजरी करत आहे''.

आलियाचा आगामी सिनेमा फरहान अख्तर दिग्दर्शित 'जी ले जरा' आहे. या सिनेमात तिच्यासोबत प्रियंका चोप्रा,कतरिना कैफ आहेत. याव्यतिरिक्त करण जोहर दिग्दर्शित 'रॉकी और रानी की प्रेम कहानी' या सिनेमातही ती दिसणार आहे. या सिनेमात तिच्यासोबत रणवीर मुख्य भूमिकेत आहे. आलियाचा हॉलीवूड सिनेमाही लवकरच आपल्या भेटीस येईल.