Pushpa-The Rule First Video: अभिनेता अल्लू अर्जुनचा 'पुष्पा 2 द रुल' या चित्रपटाबद्दल बऱ्याच दिवसांपासून चर्चा आहे. चाहते या चित्रपटाविषयी अपडेट जाणुन घेण्यासाठीही उत्सुक असतात. अशा परिस्थितीत या चित्रपटासंबधित एक नवीन अपडेट समोर आली आहे, जे चाहत्यांचा आनंद द्विगुणित करणार आहे.

सुपरस्टार अल्लू अर्जुन आणि रश्मिका मंदान्ना यांच्या पुष्पाने बॉक्स ऑफिसवर असा खळबळ उडवून दिली की सर्व रेकॉर्ड मोडले गेले. पुष्पाच्या यशानंतर चाहत्यांमध्ये या चित्रपटाच्या सिक्वेलची उत्सुकता आहे.

आता हा उत्साह पाहून निर्मात्यांनी पुष्पा: द रुलचा पहिला व्हिडिओ सोशल मीडियावर रिलीज केला आहे. पुष्पाच्या सिक्वेलचा पहिला व्हिडिओ रिलीज झाल्यानंतर काही मिनिटांतच इंटरनेटवर व्हायरल झाला आहे.

पुष्पाच्या सिक्वेलचा पहिला व्हिडिओ निर्मात्यांनी अधिकृत ट्विटर अकाउंटवरून शेअर केला आहे. व्हिडिओसोबत कॅप्शनमध्ये लिहिले आहे की, 7 एप्रिल रोजी संध्याकाळी 4.05 वाजता द हंट बिफोर द रुल रिव्हल.

पुष्पा द रुलच्या पहिल्या २० सेकंदाच्या व्हिडिओमध्ये अल्लू अर्जुनची झलक पाहायला मिळत आहे. व्हिडीओमध्ये दिसत आहे की, पुष्पा तिरुपती तुरुंगातून पळून गेला आहे आणि तो आता कुठे आहे, हे 7 एप्रिलला दुपारी 4 वाजता कळेल. सोशल मीडियावर पुष्पा 2 च्या या व्हिडिओने चाहत्यांनी एकच जल्लोष केला आहे.

सुपरस्टार अल्लू अर्जुनचा बहुप्रतिक्षित चित्रपट पुष्पा २ चा टीझर ७ एप्रिल रोजी रिलिज करण्यात येणार आहे. कारण या दिवशी अल्लू अर्जुनचा वाढदिवस आहे. 'पुष्पा 2 द रुल' चे नुकतेच विशाखापट्टणममध्ये शूटिंग पूर्ण केले ज्यामध्ये त्यांनी बरेच अॅक्शन सीक्वेन्स शूट केले आहेत. अल्लू अर्जुन, रश्मीका मंदाना, फहाद फाझील असे कलाकार पुष्पा 2 द रुल मध्ये दिसणार आहेत.