Kaun Banega Crorepati 15: टिव्ही मनोरंजन विश्वातील लोकप्रिय रिअॅलिटी शो कौन बनेगा करोडपती हा प्रेक्षकांचा आवडीचा शो आहे. गेल्या 23 वर्षांपासून हा शो प्रेक्षकांच्या मनावर राज्य करत आहे. हा शो जेव्हाही छोट्या पडद्यावर येतो तेव्हा तो प्रेक्षकांचा या शोला चांगला प्रतिसाद मिळत असतो. या शोमधुन प्रेक्षकांचे मनोरंजनच नव्हे तर त्यांच्या ज्ञानातही भर पडते.

यंदा या शोचा 15 वा सिझन प्रदर्शित होणार आहे. प्रेक्षक गेल्या अनेक दिवसांपासून या शोची प्रतिक्षा करत होते.

बॉलिवूडचे बिग बी म्हणजे अमिताभ बच्चन हा शो होस्ट करतात. त्यांच्या विनोदी आणि तितिक्याच गंभीर शैलीमुळे ते प्रेक्षकांना खिळवून ठेवतात.

आता या कौन बनेगा करोडपतीचा 15 वा सिझन लवकरच प्रेक्षकांच्या भेटीला येणार आहे. आता त्यातच बिग बींनी चाहत्यांना या शो बद्दल अपडेट दिली आहे. त्यांनी शोच्या सेटवरचा एक फोटो सोशल मिडियावर शेयर केला आहे.

(Amitabh Bachchan begins shooting for Kaun Banega Crorepati 15)

बिग बी केबीसीच्या सेटवर उभे असल्याचा अंदाज फोटो पाहिल्यानंतर येतो. त्यामुळे या फोटोवरुन कळतं की आता या शो साठीप्रेक्षकांना जास्त प्रतिक्षा करावी लागणार नाही.

यानंतर त्यांनी आणखी एक फोटो शेयर केला आहे, ज्यात ते काळा कोट-पँट घालून पोज देत आहे. त्यांनी या फोटोच्या कॅप्शनमध्ये लिहिले आहे की, 'केबीसीसाठी पुन्हा पुन्हा रिहर्सल सुरु आहे.' याचा अर्थ असाच कि केबीसी आता लवकरच प्रेक्षकांच्या भेटीला येणार आहे.

गेल्या महिन्यात कौन बनेगा करोडपती 15 च्या निर्मात्यांनी या शोचा नवीन प्रोमो रिलीज केला होता. या प्रोमोद्वारे अमिताभ बच्चन यांनी यावेळी शोचे स्वरुप बदणार असल्याचं सांगितलं. आता ते बदल काय असतील, हे शो पाहिल्यानंतरच कळेल.

कौन बनेगा करोडपतीची सुरुवात 2000 साली झाली. या शोचा 15वा सीझन सोनी वाहिनीवर प्रसारित होणार आहे. शोसाठी नोंदणी सुरु झाली आहे. मात्र हा शो कधी सुरू होणार, याची माहिती अद्याप देण्यात आलेली नाही.

अमिताभ बच्चन यांच्या वर्कफ्रंटबद्दल बोलायचं झालं तर ते केबीसी व्यतिरिक्त आगामी चित्रपट प्रोजेक्ट के तयारी करत आहेत. ज्यात त्याच्यासोबत प्रभास आणि दीपिका असणार आहे.