Amitabh Bachchan Emotional at KBC 15: अमिताभ बच्चन हे भारतीय सिनेसृष्टीतले महानायक म्हणून ओळखले जातात. अमिताभ यांनी गेली वर्ष भारतीय सिनेसृष्टीवर राज्य केलं. वयाची ऐंशी ओलांडली तरी अजुनही अमिताभ बच्चन भारतीय मनोरंजन विश्वात सक्रीय आहेत.

अमिताभ सध्या KBC 15 चं सूत्रसंचालन करत आहेत. उद्या ११ ऑक्टोबरला अमिताभ यांचा वाढदिवस आहे. त्यानिमित्ताने KBC 15 च्या मंचावर अनोखं सेलिब्रेशन करण्यात आलं. हे पाहून अमिताभ यांचे डोळे भरून आले.

(amitabh bachchan birthday celebration at KBC 15)

आणि अमिताभ बच्चन यांना रडू कोसळलं

एरवी KBC 15 पाहताना अमिताभ बच्चन स्पर्धकांना धीर देत असतात. कोणी जर इमोशनल झालं तर बच्चन साहेब त्यांना आधार देताना असतात. पण KBC 15 च्या मंचावर पहिल्यांदाच अमिताभ बच्चन प्रचंड भावूक झालेले दिसले.

KBC च्या मंचावर अमिताभ बच्चन यांचा वाढदिवस सर्वात खास पद्धतीने साजरा केला जातो. सोनी टीव्हीच्या इन्स्टाग्राम हँडलवर एक व्हिडिओ पोस्ट करण्यात आला आहे. या व्हिडिओमध्ये अमिताभ बच्चन आपल्या सीटवरून उठतात, स्वतःसाठी टिश्यू घेतात आणि भरलेल्या डोळ्यातील अश्रू पुसतात.

या प्रोमोमध्ये अमिताभ बच्चन म्हणतात, 'तुम्ही मला अजून किती रडवणार?. मी आजवर लोकांना टिश्यू देतो आणि आज मला टिश्यू घेण्याची वेळ आली आहे."

अमिताभ बच्चन यांचा ८१ वा वाढदिवस

उद्या बुधवारी अमिताभ बच्चन त्यांचा ८१ वा वाढदिवस साजरा करत आहेत. अमिताभ बच्चन यांनी वयाची ८० वर्ष ओलांडली. आजही ते सळसळत्या उर्जेने काम करत आहेत.

एकीकडे KBC 15 चं सूत्रसंचालन, दुसरीकडे जाहीराती, सिनेमातं शूटींग अशा अनेक गोष्टी अमिताभ व्यवस्थित मॅनेज करताना दिसतात. बच्चन साहेबांच्या वाढदिवसाची जय्यत तयारी आतापासूनच सुरु झालेली दिसतेय.