मुंबई- अभिनेत्री अमृता राव आणि आरजे अनमोल यांच्या घरी चिमुकल्या पाहुण्याचं आगमन झालं आहे. आई बनल्यानंतर अमृता आणि अनमोलवर शुभेच्छांचा वर्षाव होत आहे. चाहत्यांना त्यांच्या या चिमुकल्याची एक झलक पाहण्याची उत्सुकता आहे. सोशल मिडियावर चाहते त्याच नाव ऐकण्यासाठी देखील आसुसले आहेत.

हे ही वाचा: 'भाभीजी घर पर है' फेम वैभव म्हणाला,'त्यावेळी मी पाणी देखील मागुन प्यायलं'

अमृता आणि अनमोलने त्यांच्या चाहत्यांसाठी सोशल मिडियावर एक फोटो पोस्ट केला आहे. या फोटोमध्ये त्याचा पूर्ण फोटो नसला तरी या दोघांच्या हातात चिमुकला हात दिसून येत आहे. अनमोलने पोस्ट केलेला हा फोटो अमृताने तिच्या इंस्टाग्राम स्टोरीवर शेअर केला आहे. यासोबतंच दोघांची त्याच्या नावाची देखील घोषणा केली आहे. 

अनमोलने त्याच्या पोस्टमध्ये लिहिलं आहे, 'आमचा मुलगा वीर कडून तुम्हाला सर्वांना हाय. तो तुमच्याकडून सध्या त्याचा ब्रो फर्स्ट लूक पाहत आहे. तुमचा आशिर्वाद असाच असू द्या.' एक नोव्हेंबरला अमृता रावने मुलाला जन्म दिला. चिमुकल्या पाहुण्याच्या आगमनाने घरात आनंदाचं वातावरण आहे. वडिल बनल्यामुळे आर जे अनमोलचा आनंद गगनात मावेनासा झाला आहे.

लग्नाच्या चार वर्षांनंतर अमृताच्या घरी चिमुकल्याचं आगमन झालं आहे. अभिनेत्री अमृता रावने ती प्रेग्नंट असल्याची गोष्ट अनेक दिवस लपवून ठेवली होती. नवव्या महिन्यात तीने सोशल मिडियाच्या माध्यमातून ही आनंदाची बातमी दिली. अमृताने ही गोष्ट लपवल्याने चाहत्यांची माफी देखील मागितली होती.   

amrita rao and rj anmol introduce their son veer shares photos