अनोखी गायनशैली आणि राजकीय शेरेबाजीमुळे सतत चर्चेत असणाऱ्या अमृता फडणवीस यांचं नवीन गाणं नुकतंच प्रदर्शित झालं आहे. 'व्हॅलेंटाइन डे'निमित्त अमृता यांचं हे खास गाणं प्रेक्षकांच्या भेटीला आलं आहे. 'ये नयन डरे डरे' असे या गाण्याचे बोल असून या गाण्याला युट्यूबवर आतापर्यंत १ लाख ७० हजारांहून अधिक व्ह्यूज मिळाले आहेत. 

अमृता फडणवीस यांची आजवर अनेक गाणी प्रदर्शित झाली आहेत. महानायक अमिताभ बच्चन यांच्यासोबतही त्यांचा गाण्याचा अल्बम प्रदर्शित झाला होता. अमृता फडणवीस यांचं गायनावर विशेष प्रेम असून जमेल तितका वेळ त्या गायनासाठी देण्याचा प्रयत्न करतात. 'व्हॅलेंटाइन वीक'मध्ये अमृता यांनी रेड गाऊनमधले फोटो पोस्ट केले होते. त्यांच्या नवीन अल्बमची चर्चा तेव्हापासूनच सुरु झाली होती. अखेर १४ जानेवारी रोजी त्यांचं हे गाणं प्रदर्शित करण्यात आलं. 

हेही वाचा : स्वानंदी बेर्डे आता होणार सौ. माने; नव्या प्रवासाला सुरुवात

हेही वाचा : आस्ताद-स्वप्नालीच्या रजिस्टर मॅरेजचा थाटच निराळा! 

समुद्र किनाऱ्यावर या गाण्याची शूटिंग झाली असून आशिष पांडा यांनी त्याचं दिग्दर्शन केलं आहे. 'ये नयन डरे डरे हे गाणं मी तुमच्या भेटीला घेऊन येत आहे. हे गाणं रोमँटिक असलं तरी मी माझीच व्हॅलेंटाइन असल्याप्रमाणे एन्जॉय केलंय आणि हा अनुभव खूपच मस्त होता', असं ट्विट करत त्यांनी हे गाणं ट्विटरवर शेअर केलं.