Amruta Fadnavis singer New Punjabi Song Trailer Out : राज्याचे उपमुख्यमंत्री देवेंद्र फडणवीस यांच्या पत्नी अमृता फडणवीस या नेहमीच त्यांच्या वेगवेगळया पोस्टमुळे चर्चेत असतात. त्यांचे गाणे हा चाहत्यांच्या कौतूकाचा आणि उत्सुकतेचा विषय असतो. आता त्यांनी एक पंजाबी गाणं गायलं असून त्याचा ट्रेलर सोशल मीडियावर व्हायरल झाला आहे.

गेल्या काही दिवसांपसून अमृता फडणवीस यांच्या त्या गाण्याची चर्चा रंगली होती. त्या पहिल्यांदाच एका पंजाबी गाण्याच्या निमित्तानं चाहत्यांच्या भेटीला आल्या आहेत. गाण्याचा ट्रेलर व्हायरल होताच नेटकऱ्यांच्या प्रतिक्रियांना उधाण आले आहे. त्यांनी वेगवेगळ्या कमेंटस करुन अमृताजींवर कौतूकाचा वर्षाव केला आहे.

Also Read - ..तर तुम्हालाही मिळू शकेल इन्कमटॅक्सचा जुना रिफंड

अमृता फडणवीस यांच्या एका ट्वीटमुळे चाहत्यांमध्ये उत्साह आहे. काही पंजाबी ओळींसह अमृता फडणवीसांनी केलेलं हे ट्वीट चाहत्यांची उत्सुकता वाढवत आहे. यापूर्वी त्यांनी आपल्या ट्वीटमध्ये अमृता फडणवीस यांनी आपल्या नव्या गाण्याची घोषणा केली होती. हे गाणं पंजाबीत आहे. यासोबतच त्यांनी आपला वेस्टर्न ड्रेसमधला एक फोटोही शेअर केला होता.

"आज मैंने मूड बना लिया ए ए ए ,तेरे नाल ही नचना वे... असे या गाण्याचे बोल असून ते लोकप्रिय होताना दिसते आहे.