Amruta Subhash News: काही दिवसांपुर्वी 'लस्ट स्टोरीज 2' ही चार भागांची वेबसिरीज नेटफ्लिक्सवर प्रदर्शित झाली. या सिरीजमध्ये अभिनेत्री कोंकणा सेनने दिग्दर्शित केलेला 'द मिरर' हा एपिसोड प्रदर्शित झाला. या सिरीजमध्ये अभिनेत्री अमृता सुभाष आणि अभिनेता श्रीकांत यादव यांचे इंटिमेट सीन होते. त्याबद्दल अमृताने नेटफ्लिक्स राऊंडटेबल मुलाखतीत याबद्दल भाष्य केलंय.

अमृताच्या लस्ट स्टोरीज 2 मधील तिच्या भूमिकेची खुप चर्चा केली. यावेळी राऊंडटेबलमध्ये बोलताना अमृताने शेअर केले की, "सिरीजमधील तिचा सहकलाकार श्रीकांत यादव हा तिचा सर्वात चांगला मित्र आहे. त्यामुळे त्याच्यासोबत इंटिमेट सीन करण्याआधी अमृताने दिग्दर्शक कोंकणा सेन शर्माकडे थोडा वेळ मागितला."

अमृताने पुढे सांगितले की, "ती आणि श्रीकांत दोघांनाही त्यांच्या खुप वर्षांच्या मैत्रीमुळे इंटिमेट सीन करण्याची काहीशी चिंता वाटत होती. मी जेव्हा स्क्रिप्ट वाचली, तेव्हा खूप इंटिमेट सीन्स होते आणि मला त्यांची भीती वाटते. म्हणून मी कोकोला (कोंकणा सेन शर्मा) सांगितले की मला श्रीकांतसोबत एक दिवस हवा आहे. कारण आमची अनेक वर्षांपासुन मैत्री असल्याने मला त्याच्याशी बोलायची गरज होती. श्रीकांत माझ्यासोबत हे सीन करायला तयार नव्हता’

पुढे माझा नवरा संदेश त्याचा मित्र आहे. संदेश सुद्धा एक अभिनेता आहे. संदेशने त्याला सांगितले 'तु करशील. आणि चांगलं करशील." अमृता म्हणाली.