Anjali Arora Trolled Again कंगना राणावतने होस्ट केलेल्या ‘लॉकअप शो’चा एक भाग असलेली अंजली अरोरा अलीकडेच चर्चेत होती. प्रथम तिचा एक एमएमएस समोर आला. ज्यामध्ये दिसलेली मुलगी अंजली अरोरा (Anjali Arora) असल्याचे सांगण्यात आले. नंतर अंजली अरोराने सोशल मीडियावर याबाबत स्पष्टीकरण दिले आणि व्हिडिओमध्ये दिसणारी मुलगी अंजली नसल्याचे स्पष्ट झाले. यानंतर तिचे आणखी काही व्हिडिओ समोर आले ज्यावर तिला खूप ट्रोल करण्यात आले.

आता अंजली अरोराचा (Anjali Arora) एक व्हिडिओ समोर आला आहे. ज्यामध्ये ती स्वातंत्र्यदिनी तिरंगा फडकवताना दिसत आहे. व्हिडिओमध्ये परिधान केलेल्या आउटफिटमुळे अंजलीला ट्रोल करण्यात आले आहे. व्हिडिओमध्ये अंजली अरोरा पांढऱ्या रंगाचा क्रॉप टॉप आणि लो कमर जीन्स घातलेली दिसत आहे. तिरंगा (Indian Flag) धरलेला अंजली अरोराचा व्हिडिओ प्रचंड शेअर केला जात आहे. तसेच तिला खूप ट्रोल केले जात आहे.

कमेंट सेक्शनमध्ये एका यूजरने लिहिले की, तिरंगा नाही तर स्वतःला दाखवत आहे. दुसऱ्या युजरने लिहिले की, हा भारतीय राष्ट्रध्वजाचा अपमान आहे. एका युजरने लिहिले, हे दाखवण्यासाठी केले जात आहे.

लॉकअप शोचा एक भाग असलेल्या अंजली अरोरा हिने शो दरम्यान अनेक खळबळजनक खुलासे केले होते. शोमध्ये कंगना राणावतसोबत संभाषण करताना अंजली अनेकदा भावूकही झाली होती. या शोमध्ये तिने बराच पल्ला गाठला असला तरी या शोचा विजेता मुनावर फारूकी होता. हा शो वादांमुळे खूप चर्चेत होता.