मुंबई : अभिनेत्री अंकिता लोखंडे आता कमालीची आनंदित झाली आहे आणि त्याला कारण आहे तिच्या घरी झालेल्या दोन जुळ्या पाहुण्यांचे आगमन. त्यातील एक मुलगा आहे आणि एक मुलगी. एकाचे नाव आहे अबीर आणि दुसरे नाव आहे अबीरा. अंकिताने या दोन्ही जुळ्या मुलांचा फोटो सोशल मीडियावर शेअर केला आहे आणि आमच्या घरात दोन नवे पाहुणे आले आहेत...ही आयुष्याची नवी सुरुवात आहे असे तिने म्हटले आहे. अंकिताची होणारी नणंद वर्षा जैनला ही जुळी झाली आहेत.
अभिनेता सुशांत सिंह राजपूतसोबत ब्रेकअप झाल्यानंतर अंकिता लोखंडे गेली चार-पाच वर्षे विकी जैनसोबत रिलेशनशिपमध्ये राहात आहे. लवकरच ते दोघे लग्न करणार आहेत. विकीची बहीण वर्षा जैन आहे. तिचे लग्न व्यवसायाने चार्टर्ड अकाउंट असलेल्या अभिषेक श्रीवास्तवशी झालेले आहे. वर्षा आणि अंकिता अगदी जवळच्या मैत्रिणी आहेत. दोघींचे फिरतानाचे फोटो सोशल मीडियावर कित्येकदा व्हायरल झाले आहेत. तिची होणारी नणंद वर्षाने या जुळ्यांना जन्म दिला आहे. अंकिताने हा फोटो तिच्या इन्स्टाग्राम अकाऊंटवर शेअर केला आहे. यात ती जुळ्या मुलांसोबत दिसत आहे.
''आमच्या कुटुंबात पुन्हा एकदा आनंदाचं वातावरण निर्माण झालंय. एका नव्या आयुष्याची सुरुवात झाली आहे. या जुळ्यांच्या जन्मामुळे आमचं कुटुंब आणखी मोठं झालंय. अबीर आणि अबीरा तुम्हा दोघांचं स्वागत..'', अशी पोस्ट अंकिताने शेअर केली आहे. अभिनेता सुशांत सिंह राजपूतसोबत रिलेशनशिपमध्ये अंकिता होती. आता सुशांतच्या कुटुंबीयांना न्याय मिळावा अशी तिने मागणी केली आहे.
----
संपादन : ऋषिराज तायडे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.