आज फ्रेंडशिप डे. 2023 मध्ये अनेकांना नवीन मित्र भेटले असतील. याशिवाय जुन्या मित्रांच्या मैत्रीची नव्याने जाणीव झाली असेल. अशातच बॉलीवूड अभिनेते अनुपम खेर यांनी त्यांच्या मित्रांची आठवण जागवली आहेत.

अनुपम खेर यांनी सोशल मिडीयावर दोन फोटो शेअर केलेत. यात त्यांनी दिवंगत मित्र सतीश कौशीक यांची आठवण जागवलीय.

(anupam kher emotional post on satish kaushik friendship day 2023)

अनुपम खेरला आली सतीश कौशीक यांची आठवण

अनुपमने इंस्टाग्रामवर त्याचे मित्र- अनिल कपूर आणि सतीश कौशिक यांच्यासोबत फोटोंची एक सिरीज शेअर केली. या फोटोत अनुपम खेर, अनिल आणि सतीश हे त्रिकूट कॅमेऱ्याकडे हसत होते.

हे फोटो शेअर करत अनुपम खेर यांनी लिहिले, “हॅप्पी फ्रेंडशिप डे! आज सतीशला जरा जास्तच मिस करत आहे!”

अनुपम खेरच्या या पोस्टवर सोशल मिडीया युजर्सनी कमेंट करत सतीश - अनुपम - अनिल यांच्या मैत्रीचं कौतुक केलंय.

असा एकही दिवस नाही तेव्हा अनुपमला सतीशची आठवण येत नाही

ज्येष्ठ अभिनेते-चित्रपट निर्माते सतीश कौशिक यांचे ९ मार्च रोजी हृदयविकाराच्या झटक्याने निधन झाले. सतीश कौशीक यांच्या निधनानंतर, असा कोणताही दिवस जात नाही की खेर यांना त्यांचा प्रिय मित्र सतीशची आठवण येत नाही. अनुपम अनेकदा सोशल मीडिया प्लॅटफॉर्मवर सतीश यांचे फोटो किंवा व्हिडिओ पोस्ट करतो.

अनुपम खेर यांचं वर्कफ्रंट

अनुपम खेर यांच्या वर्क फ्रंट बद्दल सांगायचे झाले तर.. त्यांनी अलीकडेच कवी, तत्त्वज्ञ आणि निबंधकार, रवींद्रनाथ टागोर यांची भूमिका साकारताना दिसणार आहेत. 24 ऑगस्टला या सिनेमाच्या नावाची घोषणा होईल.

शिवाय, अनुपम खेर दिग्दर्शक अनुराग बासूच्या आगामी 'मेट्रो...इन डिनो' या अँथॉलॉजी चित्रपटात दिसणार आहे.

या चित्रपटात आदित्य रॉय कपूर, सारा अली खान, कोंकणा सेन शर्मा, पंकज त्रिपाठी, फातिमा सना शेख, अली फजल आणि नीना गुप्ता यांच्याही प्रमुख भूमिका आहेत.

29 मार्च 2024 रोजी चित्रपटगृहात प्रदर्शित होणार आहे. याशिवाय कंगना रणौतच्या आगामी 'इमर्जन्सी' सिनेमात सुद्धा अनुपम खेर जयप्रकाश नारायण यांच्या भुमिकेत झळकणार आहेत