Anusha Dandekar:अनुषा दांडेकर सारखा ग्लॅमरस चेहरा मराठीत दिसणार म्हणजे चाहत्यांसाठी पर्वणीच ठरेल. कारण अनुषा सोशल मीडियावर भलतीच सक्रिय असते आणि तिचे असंख्य चाहते तिथे आहेत. आता फरहान अख्तरची मेव्हणी झाल्यानं आणखी जास्त तिच्या चाहत्यांमध्ये भर पडलीय हे वेगळं सांगायला नको. मराठी असली तरी अनुषाचं बालपण परदेशात गेल्यानं तिला फारसं चांगलं म्हणजे अस्खलित मराठी बोलता येत नाही. पण असं असलं तरी मराठीशी तिची नाळ घट्ट जोडलेली आहे. तिनं मराठी चित्रपटात याआधी काम केलं आहे. आणि आता पुन्हा ती 'बापमाणूस' या नवीन चित्रपटाच्या निमित्तानं मराठीत दिसणार आहे.

निर्माते आनंद पंडित आणि पुष्कर जोग यांच्या निर्मिती संस्था अनुक्रमे आनंद पंडित मोशन पिक्चर्स आणि गूसबम्प्स एंटरटेनमेंट यांनी एकत्रित निर्मित करत असलेल्या चौथ्या चित्रपटाची घोषणा आज दसरा सणाचे औचित्य साधून सोशल मीडियावर केली . या चित्रपटाचे शूटिंग देखील लंडन मध्ये होणार आहे. (Anusha Dandekar In BaapManus, Marathi Movie)

या चित्रपटाच्या प्रमुख भूमिकेत पुष्कर जोग, अनुषा दांडेकर, कुशल बद्रिके, शुभांगी गोखले आणि बाल कलाकार कीया इंगळे हे आहेत. चित्रपटाचं दिग्दर्शन योगेश फुलपगार हे या चित्रपटाचे दिग्दर्शन करणार आहेत .

बाप माणूस चे निर्माते आनंद पंडित, रूपा पंडित आणि पुष्कर जोग आहेत तर सह निर्माते - वैशाल शाह, राहुल व्ही दुबे हे आहेत .

या महिन्याच्या अखेरीस या चित्रपटाचे संपूर्ण चित्रीकरण लंडनमध्ये होणार आहे. पुष्कर जोग आणि अनुषा दांडेकर पहिल्यांदाच या चित्रपटाच्या निमित्तानं एकत्र दिसणार आहेत. अनुषा बऱ्याच वर्षांनी मराठी चित्रपटात काम करणार आहे.