Anushka Sharma: अभिनेत्री अनुष्का शर्मा सध्या मध्यप्रदेशमध्ये आहे. अनुष्का- विराटनं उज्जैनच्या महाकाल मंदिरात भोलेनाथाचं दर्शन घेतलं आणि त्यानंतर अनु्ष्कानं आपल्या लहानपणीच्या आठवणी ताज्या करण्याचं ठरवलं.

त्यामुळे अर्थात ती पोहोचली इंदौरमध्ये. इथल्या आर्मी कॅम्पसमध्ये अनुष्काचं बालपण गेलं. अनुष्कानं जेव्हा आपलं जुनं घर पाहिलं ,जिथे ती खेळली-मोठी झाली तेव्हा तिच्या आनंदाला पारावर उरला नाही.

अनुष्काची इच्छा होती की तिनं पुन्हा एकदा त्या गल्ल्यांमध्ये फिरण्याचा आनंद लुटावा जिथं तिचं बालपण गेलं आहे. आता अनुष्कानं एक खास व्हिडीओ शेअर केला आहे.ज्याला प्रत्येकजण लाइक करत आहे. (Anushka Sharma Hometown Video)

अनुष्का शर्मानं तिच्या घराचा व्हिडीओ इन्स्टाग्रामवर शेअर केला आहे, त्यात ती आपल्या बालपणीचा काळ चाहत्यांसोबत शेअर करताना दिसत आहे. ज्या गल्ल्यांमधनं ती हिंडली-फिरली त्या तिनं व्हिडीओत दाखवल्या आहेत.

अनुष्कानं ते घर देखील दाखवलं जिथे तिनं लहानपणीचा रम्य काळ घालवला आहे. व्हिडीओ शेअर करत अनुष्का शर्मानं लिहिलं आहे की, ''पुन्हा एकदा महूला..मध्यप्रदेशला आलेय. ती जागा,जिथे लहानपणी मी पहिल्यांदा स्विंमिंग शिकले. जिथे माझ्या भावानं बर्थ डे ला व्हिडीओ गेम माग असं म्हणत शक्कल लढवली..कारण नंतर तो व्हिडीओ गेम तोच खेळायचा''.

'' ही ती जागा..जिथे माझे वडील स्कूटर चालवायचे. ती जागा कायम माझ्या हृद्यात बंदिस्त राहील''.

अनुष्का शर्माच्या त्या व्हिडीओला पाहून प्रत्येकजण आपल्या जुन्या आठवणीत रमेल हे मात्र खरं.

हेही वाचा: परदेशातही वापरता येणार युपीआय सुविधा...वाचा सविस्तर

आर्मी कॅम्पसमध्ये आपल्या घरासमोर उभी राहून अनुष्कानं फोटो काढले आणि आपल्या शाळेतल्या आठवणींना ताजं केलं. अनुष्कानं आपल्या बालपणीच्या मैत्रिणीचं घरही दाखवलं,जिच्यासोबत ती खेळायची आणि अभ्यास करायची. हेच ते इन्दौरमधलं घरं जिथं अनुष्कानं आपल्या भविष्याची सुंदर स्वप्न रंगवली.

अनुष्का शर्माचे वडील अजय कुमार शर्मा कर्नल होते. त्यामुळे देशातील अनेक शहरात त्यांच्या बदल्या व्हायच्या. पण इंदौर तिच्या मनाच्या अगदी जवळ आहे असा तिनं उल्लेख केला आहे. तिच्या बालपणीचा अधिक काळ इथे गेला आणि बालपणीच्या आठवणींना विसरणं शक्यच नाही असं देखील ती म्हणाली.