मुंबई : भारतात कोरोना विषाणूचा संसर्ग दिवसेंदिवस वाढत चालला आहे. देशभरात लॉकडाऊन असल्याने सर्वच जणघरीच बसलेले आणि आपापली कामे घरच्या घरी करत आहेत. कोरोना विषाणूच्या पार्श्वभूमीवर संपूर्ण देश लॉकडाऊन असताना अत्यावश्यक सेवा असणारे कर्मचारीच फक्त काम करताना दिसत आहेत. सरकार या संकटातून बाहेर पडण्यासाठी दिवस-रात्र प्रयत्न करत आहेत. यातच संपूर्ण चित्रपटसृष्टी थंडावली आहे. मालिका आणिचित्रपटांचे चित्रीकरण बंद करण्यात आले आहे. सतत चित्रपट आणि मालिकांच्या चित्रीकरणामध्ये व्यस्त असलेले हे कलाकार देखील घरात बसले आहेत. सगळेच कलाकार या क्वारंटाईनदिवसात नवनवीन गोष्टी करताना दिसत आहेत. कोरोना विषाणूबाबत जनतेमध्ये जागरूकता आणि आवाहन करण्यासाठी बॉलिवूड आणि मराठी चित्रपटसृष्टीतील अनेक कलाकार गाणी तयार करत आहेत.ही गाणी प्रत्येकाने घरातूनच सोशल डिस्टंसिंग पाळत चित्रीत केले आहेत.

हे ही वाचा ; विद्या बालनने बनवला तिचा आवडता महाराष्ट्रीय पदार्थ 

या गाण्यांना प्रेक्षकांचा चांगलाच प्रतिसाद लाभला होता. सध्या सुरु असणाऱ्या निराशाजनक वातावरणात प्रोत्साहन देण्यासाठी आता अभिनेते कमल हासन देखील एक गाणं घेऊन आले आहेत. ‘अरीवम अनबम’ असं या गाण्याचे नाव आहे. हे गाणं तमिळ भाषेत आहे. हे गाण्यातून देशवासीयांना कोरोना विरोधात लढण्यासाठी प्रोत्साहन दिले आहे. कमल हासन यांनी या गाण्याची निर्मिती केली आहे आणि कमल हासन यांनीच हे गाणं लिहिलेही आहे.

संगीतकार शंकर महादेवन, बॉम्बे जयश्री, युवान शंकरराजा, अनिरूद्ध रविचंदर, अभिनेता सिद्धार्थ, एंड्रिया, देवी श्रीप्रसाद, बिग बॉस फेममुगेन राव, सिड श्रीराम आणि श्रुती हासन या कलाकारांनी या गाण्याला आवाज दिला आहे. हे गाणं झूम व्हिडिओ कॉलद्वारे प्रदर्शित करण्यात आलेआहे. या गाण्यातून सध्याच्या निराशाजनक वातावरणात लोकांना आशेचा किरण दाखवला आहे.या गाण्याची संकल्पना कमल हासन यांचीच असून त्यांनी हे गाणं अवघ्या तीन तासांत लिहिले आहे.कोरोनाविषयी जनजागृती करण्यासाठी कलाकार मंडळी नवनवीन गाणी तसेच लघुपट तयार करत आहेत. तसेच त्यांचा हा प्रयत्न यशस्वीही होत आहे.