मुंबई: मुंबईच्या किनाऱ्याजवळ (Mumbai coast) कॉर्डेलिया क्रूझवर रेव्ह पार्टी (rave party) सुरु असताना शनिवारी NCB ने छापा मारला. या कारवाईतून बॉलिवूड आणि ड्रग्जचं (Drugs) कनेक्शन पुन्हा एकदा समोर आलं आहे. शाहरुखचा मुलगा आर्यन खानला पोलिसांनी अटक केली आहे. आर्यनसोबत अरबाज मर्चंट आणि मुनमुन धामेचा सुद्धा अटकेत आहे. NCB ने कॉर्डेलिया क्रूझवरुन १३ ग्रॅम कोकेन, पाच ग्रॅम एमडी, २१ ग्रॅम चरस, २२ एमडीएमएच्या २२ गोळ्या जप्त केल्या आहेत.

अरबाज मर्चंट कोण आहे?

अरबाज मर्चंट पेशाने अभिनेता आहे. शाहरुखचा मुलगा आर्यन आणि मुलगी सुहानाचा जवळचा मित्र आहे. अरबाज आर्यन आणि सुहानासोबत अनेकदा पार्टी करताना दिसला आहे. कॉर्डेलिया क्रूझवर आर्यनसोबत अरबाजला अटक झाल्याचे समोर आल्यानंतर सोशल मीडियावर तिघांचे अनेक फोटो व्हायरल झाले आहेत. अरबाज मर्चंट आल्या एफ बरोबर डेटींग करत असल्याच्या चर्चा होत्या.

मोहक जस्वाल, नुपूर सारीका आणि गोमीत चोप्रा या तिघांनाही अटक झाली असून ते दिल्लीचे रहिवाशी आहेत. रिपब्लिकवर्ल्ड वेबसाइटने हे वृत्त दिले आहे. मोहक आणि नुपूर दोघे फॅशन डिझायनर आहेत. गोमित हेअर स्टायलिस्ट आहे. मुनमुन धामेचा फॅशन मॉडेल आहे.