Sameer Wankhede Case Update: नार्कोटिक्स कंट्रोल ब्युरोचे माजी झोनल डायरेक्टर समीर वानखेडे हे गेल्या काही दिवसांपासून चर्चेत आहे. समीर वानखेडे यांच्यावर २५ कोटींची लाच घेतल्याचा आरोप करण्यात आला आहे. या प्रकरणात उच्च न्यायालयाने समीर वानखेडेला सीबीआयच्या अटकेतून अटकपूर्व जामीन मंजूर केला आहे.

सध्या या प्रकरणाची चौकशी सुरु असून या प्रकरणात अनेक नवनवीन माहिती समोर येत आहे. कथित ड्रग्ज प्रकरणात अटक करण्यात आलेल्या आर्यन खानला ज्योवेळी अटक करण्यात आली तेव्हा अधिकारी किरण गोसावी आणि आर्यन खानचा एक सेल्फी सोशल मिडियावर खुप व्हायरल झाला होता.

समीर वानखेडे आणि किरण गोसावी यांच्या टिमने आर्यन खानला सोडवण्यासाठी खंडणीची मागणी केली असा आरोप होत असतांनाच आता लाचखोरी प्रकरणातील आरोपी माजी अधिकारी आशिष रंजन यांनी किरण गोसावीबाबात मोठा खुलासा केला आहे.

समीर वानखेडे यांच्या परवानगीनेच या प्रकरणात किरण गोसावी यांना देखील सामिल करण्यात आल्याचं त्याने सांगितलं.

टाईम्स ऑफ इंडियाने दिलेल्या वृत्तानुसार, ड्रग्ज प्रकरणी एनसीबी अधिकार्‍यांविरुद्ध सुरु असलेल्या सीबीआय खटल्यातील आरोपी आशिष रंजन प्रसाद यानी सांगतिल आहे की, वानखेडे यांनी अप्रुव्ह केल्यानंतरच या खटल्यात साक्षीदार झालेल्या किरण गोसावीला या केसमध्ये सामिल करण्यात आलं होते.

इतकच नाही तर आशीषने सीबीआयला दिलेल्या माहितीत आरोप केला की, ज्यावेळी क्रूझवरुन आरोपीला पकडण्यात आले त्यावेळी तिथे किरण गोसावी, प्रभाकर साईल आणि भाजप कार्यकर्ते मनीष भानुशाली यांच्या विषयी देखील चौकशी केली होती. त्यावेळी त्यांना सांगण्यात आले की, वानखेडे यांच्या सूचनेवरुन ते तिथे पोहोचले होते.

तथापि, वानखेडे यांनी यापूर्वी गोसावी, प्रभाकर साईल आणि भाजप पक्षाचे कार्यकर्ते मनीष भानुशाली यांची ड्रग्ज प्रकरणाच्या दिवशी भेटल्याचे सांगितले होते. या प्रकरणाच्या तपास करणाऱ्या एसआयटीला या केसमध्ये अनेक चुका असल्याचं आढळून आलं आहे.

त्यामुळे क्रुझवर झालेलं ड्रग्ज प्रकरण हे नियोजित असल्याचा दावा आता करण्यात येत आहे. 17 जूनला NCB ने माजी अधिकार्‍यांच्या दाव्याचे खंडन करत 92 पानांचे प्रतिज्ञापत्र दाखल केले होते.

आर्यन खानला ड्रग्ज प्रकरणी अटक करण्यात आली होती. एनसीबीचे झोनल डायरेक्टर समीर वानखेडे यांच्यावर शाहरुख खानचा मुलगा आर्यन खानला खोट्या ड्रग्ज प्रकरणात अडकवून अटक केल्याचा आरोप आहे.

त्याच्यांवर 25 कोटींची लाच मागीतल्याचा आरोप आहे. या प्रकरणाच्या अंतर्गत तपासानंतर एनसीबीने आर्यनविरुद्धचा खटला रद्द केला आणि पुराव्याअभावी त्याला कोर्टाने क्लीन चिट देण्यात आली आहे.