Sameer Wankhede Case Update: आरोपांचे ढग दाटतायत! शाहरुखसोबत केलेली चॅटिंग न्यायालयात दाखवणं समीर वानखेडेला पडलं महागात
Sameer Wankhede Case Update: गेल्या काही दिवसांपासून एनसीबीचे माजी अधिकारी समीर वानखेडे हे चर्चेत आले आहे. बॉलीवूड अभिनेता शाहरुख खानचा मुलगा आर्यन खानच्या ड्रग्स केस प्रकरणात त्यांची चौकशी सुरु आहे.आर्यन खानची सुटका करण्यासाठी २५ करोडची डील केल्याचा आरोपही वानखेडेवर करण्यात आला आहे.
बेहिशोबी मालमत्ता आणि अन्य भ्रष्टाचार प्रकरणाबरोबरच आर्यन खानची सुटका करण्यासाठी २५ कोटींची लाच मागितल्याप्रकरणी सीबीआयने समीर वानखेडे यांची शनिवारी ५ तास चौकशी केली. आज पुन्हा सकाळी 11 वाजता समीर वानखेडे यांना चौकशीसाठी बोलावण्यात आले आहे.
याप्रकरणी समीर वानखेडे यांनी शाहरुख खानसोबतच्या चॅट न्यायलयात साद केली. ही चॅटिंग समीर वानखेडे यांनी उच्च न्यायालयात दाखल केलेल्या याचिकेसोबत जोडली होती. मात्र आता याप्रकरणी एनसीबीच्या अधिकाऱ्यांनी त्यांना खडसावलं आहे. हे पूर्णपणे नियमांच्या विरोधात असल्याचं अधिकाऱ्यांनी सांगितलं आहे.
हाय-प्रोफाइल क्रूझ प्रकरणाच्या तपासादरम्यान समीर वानखेडेने उच्च न्यायालयात त्यांच्या बचावात चॅट्स सादर करून वर्तन नियमांचे उल्लंघन केलं असल्याच एनसीबीच्या सूत्रांनी सांगितले.
वानखेडे यांनी नियमांचे उल्लंघन केल्याचा दावा एनसीबीच्या सूत्रांनी केला आहे. या प्रकरणी ते म्हणाले की, कोणताही तपास अधिकारी आरोपीच्या कुटुंबीयांशी एवढी चॅटिंग कशी काय करू शकतात? आर्यन खान प्रकरणाच्या तपासादरम्यान, समीर वानखेडेने शाहरुख खानसोबतच्या व्हॉट्सअ‍ॅप चॅट्सबाबत आपल्या वरिष्ठांना कधीही माहिती दिली नाही.
ते म्हणाले की वानखडे यांनी या चॅटिंगची माहिती वरिष्ठांना दिली नाही किंवा रेकॉर्डवर ठेवली नाही. "या चॅट्सबद्दल त्याची चौकशी करणाऱ्या दक्षता पथकालाही त्यानी याबबात सांगितले नाही," असे सूत्रांनी सांगितले.
सूत्रांनी दिलेल्या माहितीनुसार, वानखडे यांनी ज्या फोनद्वारे शाहरुख खानशी चॅट केली होती. तो फोन उपलब्ध करून दिला नाही आणि यासोबतच या प्रकरणाचा ताबा घेतल्यानंतर एनसीबीच्या वरिष्ठ अधिकाऱ्याला घाबरवण्याचाही प्रयत्न केला असल्याची माहिती समोर आली आहे.
अभिनेता शाहरुख खानचा मुलगा आर्यन खान याच्या ड्रग्ज-ऑन-क्रूझ प्रकरणात सीबीआय केलेल्या कारवाईविरोधात समीर वानखेडे यांनी शुक्रवारी मुंबई उच्च न्यायालयात धाव घेतली.
मुंबई उच्च न्यायालयात 22 मे रोजी सुनावणी होणार आहे. तोपर्यंत उच्च न्यायालयाने त्यांना अटकेपासून संरक्षण दिले आहे. दरम्यान आजही त्यांची चौकशी सुरु आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.