'अस्सं माहेर नको गं बाई', 'तुझ्यात जीव रंगला' यांसारख्या मालिकांमध्ये भूमिका साकारलेली अभिनेत्री रुचा आपटे नुकतीच लग्नबंधनात अडकली. 'मुळशी पॅटर्न' या चित्रपटातील अभिनेता क्षितिज दातेशी रुचाने लग्नगाठ बांधली. अगदी मोजक्या पाहुण्यांच्या उपस्थितीत, कोव्हिडचे सर्व नियम पाळत हा लग्नसोहळा पार पडला. रुचा आणि क्षितिजचं लग्न पुण्यात पार पडलं.
गेल्या वर्षी फेब्रुवारी महिन्यात या दोघांनी गुपचूप साखरपुडा उरकला होता. अनेक महिन्यांनी रुचाने सोशल मीडियावर साखरपुड्याचा फोटो पोस्ट केला होता. आता रुचाच्या मित्रमैत्रिणींनी तिच्या लग्नाचा फोटो पोस्ट करत तिला शुभेच्छा दिल्या आहेत. लग्नसोहळ्यात रुचाने हिरवी सहावारी साडी नेसली असून क्षितिजने मरून रंगाचा कुर्ता परिधान केला आहे. या दोघांवर सोशल मीडियाद्वारे शुभेच्छांचा वर्षाव होत आहे.
हेही वाचा : 'इतिहासात आपल्या पिढीची नोंद ही..'; निर्बंधांचं पालन न करणाऱ्यांना सुबोधने फटकारलं
रुचा आणि क्षितिजने मालिका, चित्रपट आणि नाटकांमध्येही काम केलंय. क्षितिजने 'मुळशी पॅटर्न' या लोकप्रिय चित्रपटात गण्याची भूमिका साकारली होती. प्रवीण तरडे दिग्दर्शित आगामी 'सरसेनापती हंबीरराव' या ऐतिहासिक कथानक असलेल्या चित्रपटातही तो महत्त्वपूर्ण भूमिकेत झळकणार आहे. 'बन मस्का' या मालिकेत रुचा आणि क्षितिजने एकत्र काम केलं होतं. या मालिकेच्या शूटिंगदरम्यान दोघं एकमेकांच्या प्रेमात पडले. क्षितिज अभिनयासोबतच दिग्दर्शन क्षेत्रातही कार्यरत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.