Chahat Pandey News: मध्यप्रदेश, राज्यस्थान, तेलंगणा, छत्तीसगड या राज्यांचे निकाल समोर येत आहेत. मध्यप्रदेशमधून एक महत्वाची बातमी समोर येतेय.

या राज्यात विधानसभेसाठी आप पक्षातर्फे चाहत पांडे ही अभिनेत्री दमोह विधानसभेतुन उभी होती. पण तिला दारुण पराभवाला सामोरे जावं लागलं आहे.

विधानसभेसाठी पहिल्यांदाच चाहत पांडे निवडणुकीत उभी होती. पण तिला सपशेल पराभवाला सामोरं जावं लागलंय.

आम आदमी पार्टीची (आप) उमेदवार चाहत पांडे मध्य प्रदेशातील दमोह विधानसभा मतदारसंघातून निवडणूक हरली आहे. तिला चौथ्या क्रमांकावर समाधान मानावे लागले आहे. या जागेवरून भाजपचे ज्येष्ठ नेते जयंत मलाय्या 36 हजार मतांनी आघाडीवर आहेत. त्यांच्यानंतर दुसऱ्या नंबरवर काँग्रेसचे अजय कुमार टंडन तर बहुजन समाज पक्षाचे उमेदवार प्रताप रोहित अहिरवार यांना तिसऱ्या नंबरवर समाधान मानावे लागले आहे.

मध्य प्रदेशातील दमोह येथे राहणारी टीव्ही अभिनेत्री चाहत पांडे या वर्षी जूनमध्ये आम आदमी पार्टीमध्ये सामील झाली होती.

भाजपचे ज्येष्ठ नेते जयंत मलाय्या यांच्याविरोधात चाहत यांना दमोहमधून उमेदवारी देण्यात आली. त्याचवेळी काँग्रेसचे विद्यमान आमदार अजय टंडन यांचाही या तिरंगी लढतीत सहभाग आहे. आता निकाल समोर आल्याने चाहत पांडेला दारुण पराभवाला सामोरे जावे लागलंय.

चाहत पांडेच्या वर्क फ्रंटबद्दल बोलायचं झालं तर.. तिने 2016 मध्ये 'पवित्र बंधन' या मालिकेद्वारे आपल्या अभिनय कारकीर्दीला सुरुवात केली. ती 'राधाकृष्ण' मालिकेत राधाच्या भूमिकेत दिसली. त्यानंतर तिने2019 मध्ये 'हमरी बहू सिल्क'मध्ये दिसली. त्यानंतर चाहतने 'दुर्गा माता की छाया' आणि 'नथ जेवर या जंजीर' या मालिकांमध्ये काम केले.