Atif Aslam News: अतिफ अस्लम हा मनोरंजन विश्वातील लोकप्रिय गायक. अतिफची गाणी अनेक जण आवडीने ऐकत असतात. अतिफने बॉलिवुडसाठी अनेक लोकप्रिय गाणी गायली आहेत.

अतिफ त्याच्या चाहत्यांच्या साक्षीने अनेक लाईव्ह शो करत असतो. अशातच अतिफच्या एका लाईव्ह शोमध्ये एक विचित्र प्रकार घडला ज्यामुळे त्याला शोमध्येच बंद करावा लागला. काय घडलंय जाणुन घेऊ सविस्तर.

(atif aslam viral video that his fan throw money)

अतिफ अस्लमचा एक व्हिडिओ सोशल मीडियावर व्हायरल झालाय. ज्यामध्ये अमेरिकेत अतिफच्या गायनाच्या लाइव्ह परफॉर्मन्सदरम्यान एका चाहत्याने त्याच्यावर नोटांचा वर्षाव केला.

नोटांचा वर्षाव होताच अतिफ थोडासा चलबिचल झाला. पुढे त्याने तात्काळ आपला परफॉर्मन्स थांबवला. तो म्हणाला. “माझ्या मित्रा, माझ्यावर नोटा फेकण्याऐवजी तुम्ही हे पैसे दान करू शकता,” गायक अतिशय दयाळूपणे म्हणाला. त्याने चाहत्याला स्टेजवर बोलावले आणि पैसे दान करण्यास सांगितले.

अतिफ पुढे त्या माणसाला म्हणाला “मला माहित आहे की तू खूप श्रीमंत आहेस आणि मला त्याचे खरोखर कौतुक वाटते. पण पैशांचा असा वर्षाव करणे हा त्यांचा अनादर आहे,” गायक म्हणाला.

लाइव्ह शो दरम्यान कलाकारांवर पैसे फेकून प्रेम व्यक्त करण्याची जगाच्या अनेक भागांमध्ये एक सामान्य परंपरा आहे. पण अतिफने या प्रेमाचा स्वीकार करताच नम्रपणे चाहत्याच्या भावनेचा आदर करत पैशांची उधळण थांबवली

अतिफ अस्लमचा हा दयाळूपणा सोशल मीडियावर सध्या चर्चेत आहे. अतिफच्या या व्हिडीओवर अनेकांनी त्याचं कौतुक केलंय. "अतिफने परिस्थिती योग्यपणे हाताळली", असं अनेकांचं मत आहे.

अतिफने अलीकडेच पॅलेस्टाईनच्या लोकांसाठी 15 लाख रुपयांची दान केले आहे.