Bollywood Actress viral Video : तुम्ही जर सलमानचा वाँटेड (Salman Khan Wanted Movie) नावाचा चित्रपट पाहिला असेल तर तुम्हाला आयशा टाकीया कोण हे वेगळं सांगण्याची गरज नाही. आता त्याच आयशाचा विमानतळावरील व्हायरल (Ayesha Takia Actress) झालेला लूक हा नेटकऱ्यांसाठी चर्चेचा विषय ठरतो आहे. तिला पाहिल्यानंतर अनेकांनी ओळखलेच नसल्याचे दिसून आले आहे.

आयशा आता बॉलीवूडपासून लांब गेली आहे. लग्नानंतर तिचं आयुष्य (Ayesha Takia spotted at airport News) बदलून गेलं आहे. ती कौटूंबिक जीवनात व्यस्त झाली आहे. सध्या तिचा विमानतळावरील एक व्हिडिओ नेटकऱ्यांच्या कौतुकाचा आणि प्रतिक्रियेचा विषय आहे. तिला पाहिल्यानंतर हीच का ती आयशा जी पहिल्यांदा सलमान सोबत दिसली होती. असा प्रश्न त्या व्हिडिओवरुन नेटकऱ्यांनी उपस्थित केला आहे.

विरल भयानीच्या सोशल मीडिया अकाउंटवरुन तो व्हिडिओ व्हायरल (Ayesha Takia spotted at airport Viral Video Latest news) झाला असून त्यावर नेटकऱ्यांनी वेगवेगळ्या प्रतिक्रिया दिल्या आहेत. आयशानं डार्क ब्ल्यू रंगाचा सलवार सूट परिधान केला आहे. तिनं काळ्या रंगाचे मास्कही लावले आहे. जेव्हा फोटोग्राफर्सनं तिला फोटो देण्यासाठी विनंती केली तेव्हा आयशानं चेहऱ्यावरील मास्क हटविल्याचे दिसून आले. यावेळी तिच्या सोबत तिचा मुलगा मिखेल देखील होता.

काय म्हणाले नेटकरी...

कमेंट बॉक्समध्ये नेटकऱ्यांनी आयशावर वेगवेगळ्या प्रतिक्रिया दिल्या आहेत. एकानं म्हटलं आहे की, तू किती सुंदर अभिनेत्री होतीस पण आता तू तर ओळखू देखील येत नाहीस. समोर आली तरी तुला ओळखता येणं कठीण आहे. अशा शब्दांत नेटकऱ्यांनी आपल्या भावना व्यक्त केल्या आहेत. काहींना तर ती अभिनेत्री आयशा टाकिया आहे हे लक्षात आलेलं नाही.

लग्नानंतर बॉलीवूडपासून लांब गेली!

आयशाचा शेवटचा चित्रपट २०११ साली आलेला मोड होता. तो बऱ्यापैकी लोकप्रिय देखील झाला होता. तिचा श्रेयस तळपदे सोबतचा डोर नावाचा चित्रपट प्रेक्षकांच्या कौतुकाचा विषय ठरला होता. २००९ मध्ये तिनं बॉयफ्रेंड फरहान आझमीसोबत लग्न केले. फरहान हा समाजवादी नेते अबू आझमी यांचा मुलगा असून लग्नानंतर तिनं इस्लाम धर्म स्विकारला.